ޔޫކޭ އިން އަދިވެސް ދެކެނީ ރާއްޖެ ކޮވިޑުން ރައްކާތެރި ނޫން ކަމަށް

އިނގިރޭސިވިލާތަށް ފަތުރުވެރިން ދަތުރުކުރާ ގައުމުތަކުގެ ތެރެއިން ލުއި ދިން ގައުމުތަކުގެ ލިސްޓު އެޤައުމުން ވަނޚ އަލުން އަޕްޑޭޓް ކޮށްފަ އެެވެ.

އެގޮތުން އެ ގައުމުން އިއުލާން ކުރި އެ ލިސްޓުގައި 50 ގައުމެއް ހިމެނޭ އިރު، މި ސަރަހައްދުން ޝްރީލަންކާގެ އިތުރުން ރާއްޖެ ވެސް ލިސްޓުގައި ނުހިމެނެ އެވެ.

އެލިސްޓުގައި ހިމެނޭ އިނގިރޭސި ސަރުކާރުން ލުއި ދީފައިވާ ގައުމުތަކުން، އިނގިރޭސިވިލާތަށް ދަތުރުކުރާ މީހުން 14 ދުވަހުގެ ކަރަންޓީން މުއްދަތު ހަމަ ކުރާކަށް ނުޖެހެ އެވެ. އެހެން ނަމަވެސް ލިސްޓުގައި ނުހިމެނޭ ގައުމުތަކުން މީހުން ދަތުރު ކުރާނަމަ އެމީހުން، އިނގިރޭސިވިލާތައް ގޮސް 14 ދުވަހުގެ ކަރަންޓީނުގެ މުއްދަތު ފުރިހަމަކުރަންޖެހެ އެވެ.