މިއަދު ކޮވިޑަށް ފައްސިވި މީހުންގެ ތެރޭގައި 92 ދިވެހިން!

މިއަދު ކޮވިޑް-19 އަށް ފައްސިވި 137 މީހުންގެ ތެރޭގައި 92 ދިވެހިން ހިމެނޭ ކަމަށް ހެލްތު ޕްރޮޓެކްޝަން އެޖެންސީ(އެޗްޕީއޭ) އިން ބުނެފިއެވެ.

މި 137 މީހުންނާއެކު މި ބައްޔަށް ރާއްޖެއިން ފައްސިވި މީހުންގެ އަދަދު މިހާރު ވަނީ 3506 އަށް އަރާފައެވެ. މީގެތެރެއިން ފަރުވާ ދެމުން މިހާރު އަންނަނީ 929 މީހަކަށެވެ.

ރާއްޖެ އިން ކޮވިޑް-19 މިދިޔަ މާޗް 7 ގައި ފެނުނު ފަހުން އަދި އޭޕްރީލް 15 ގައި މާލެ އަށް އެ ބަލި ފެތުރުނު ފަހުން ވެސް މިހާ ގިނަ އަދަދަކަށް މީހުން ކޮވިޑަށް ފައްސިވެފައެއް ނުވެ އެވެ.