ބިން މިލްކު ކުރެވޭ ގޮތަށް ގާނޫނު އިސްލާހު ކުރީ އެމްޑީޕީ މެމްބަރުން ވެސް ވޯޓު ދީގެން: އުޝާމް
ބޭރު މީހުންނަށް ރާއްޖޭގެ ބިން މިލްކު ކުރެވޭ ގާނޫނު އިސްލާހު ކުރީ އެމްޑީޕީ މެމްބަރުން ވެސް ވޯޓު ދީގެން ކަމަށް ވިލިމާލެ ދާއިރާގެ އަމިއްލަ މެމްބަރު އަހުމަދު އުޝާމް ވިދާޅުވެއްޖެއެވެ.
އުޝާމް މިހެން ވިދާޅުވީ ބޭރު މީހުންނަށް ރާއްޖޭގެ ބިން މިލްކު ކުރެވޭގޮތަށް ގާނޫނެއް ފާސްކުރީ ޕީޕީއެމް މެމްބަރުން ކަމަށް އެމްޑީޕީއަށް ނިސްބަތްވާ ގިނަ ބަޔަކު ބުނަމުން އަންނަ ދަނޑިވަޅެއްގައެވެ.
އެކަމަށް ރައްދު ދެއްވައި އުޝާމް މިރޭ ކުރެއްވި ޓްވީޓެއްގައި ވިދާޅުވީ ބޭރު މީހުންނަށް ރާއްޖޭގެ ބިން މިލްކުކުރެވޭ ގޮތަށް ގާނޫނުއަސާސީ އިސްލާހުކުރީ އެމްޑީޕީވެސް ހިމެނޭގޮތުން މަޖިލީހުގަ އޭރުއޮތް ގިނަސިޔާސީ ޕާޓީތަކެއްގެ ވޯޓް ލިބިގެން އެންމެން ގުޅިގެން ކަމަށެވެ.
"އެކަމަކީ ހަމައެކަނި ޕީޕީއެމްއިން ކުރިކަމެއްކަމަށް ބުނުމަކީ ކަމުގެ ހަގީގަތް އޮޅުވާލުން." އުޝާމް ވިދާޅުވިއެވެ.
ބޭރު މީހުންނަށް ރާއްޖޭގެ ބިން މިލްކުކުރެވޭ ގޮތަށް ގާނޫނުއަސާސީ އިސްލާޙްކުރީ އެމްޑީޕީވެސް ހިމެނޭގޮތުން މަޖިލީހުގަ އޭރުއޮތް ގިނަސިޔާސީ ޕާޓީތަކެއްގެ ވޯޓް ލިބިގެން އެންމެން ގުޅިގެން. އެކަމަކީ ހަމައެކަނި ޕީޕީއެމްއިން ކުރިކަމެއްކަމަށް ބުނުމަކީ ކަމުގެ ހަގީގަތް އޮޅުވާލުން. https://t.co/X8ymmhYckQ
— Ahmed Usham (@a_usham) July 27, 2020
ބޭރު މީހުންނަށް ރާއްޖެ އިން ބިން މިލްކު ކުރެވޭ ގޮތަށް ގާނޫނު އަސާސީގެ 251 ވަނަ މާއްދާއަށް (ހ)އަށް އިސްލާހު ގެނައީ ނިމިގެން ދިޔަ ރިޔާސީ ދައުރުގެ ތެރޭގައެވެ. ނަމަވެސް އެ އިސްލާހު އުވާލަން ރައްޔިތުންގެ މަޖިލީހުން ވަނީ މިދިޔަ އޭޕްރިލް މަހުގެ 15 ގައި ފާސްކޮށްފައެވެ.
Ads by STO
