ބައެއް ގައިދީންނަށް އަފްޢާމެއްދީ މަސައްކަތަށް ނެރުމަށް ގޮވާލާ ޤަރާރެއް ޖާބިރު ހުށައަޅުއްވައިފި
ރާއްޖޭގައި މަސައްކަތް ކުރާ ބިދޭސީން އަނބުރާ އެމީހުންގެ ޤައުމަށް ފޮނުވާލާ، ބޮޑެތި ކުށްތަކަށް ޖަލަށް ލެވިފައިވާ ގައިދީން ފިޔަވާ އެހެން ގައިދީންނަށް އަފްޢާމެއްދީ، މަސައްކަތަށް ނެރުމަށް ގޮވާލާ ޤަރާރެއް ޑީއާރްޕީގެ ލީޑަރ އަދި ރައްޔިތުންގެ މަޖިލީހުގެ ކާށިދޫ ދާއިރާގެ މެންބަރު އަބްދުﷲ ޖާބިރު މަޖިލީހަށް ހުށައަޅުއްވައިފިއެވެ.
Covid19 aai gulhigen Jaluthakugaivaa gaidheenge therein bodethi kuhthakugai jalah levifaivaa beyfulhun fiyavaa ehen gaidheen ah afaam dhevvaa massaikathah nerumah govaalaa #DRP Leader @chairmanjabir majlis ah qaraar eah husha alhuvvaifi @Mihaarunews @sunbrk @VaguthuOnline @cnm_mv pic.twitter.com/1Ej3hX4zrP
— DRP (@drpmaldives) July 28, 2020
ޖާބިރު ސޮއިކުރައްވާ ހުށައަޅުއްވާފައިވާ އެޤަރާރަކީ ކޮވިޑް-19 ގެ ސަބަބުން ދިވެހި ރާއްޖޭގެ އިޤްތިޞާދު އަޑިއަޅާލާފައިވާ މިޙައްސާސް ދަނޑިވަޅުގައި ރާއްޖޭގެ އިޤްތިޞާދު ނެގެހެއްޓުމަށްޓަކައި ރާއްޖޭގައި މަސައްކަތް ކުރާ ބިދޭސީން އަނބުރާ ޤައުމަށް ފޮނުވާލާ، ރާއްޖޭގައި މަސައްކަތް ކުރުމަށް ޖަލުގައި ހުކުމް ތަންފީޒު ކުރަމުންދާ ޤައިދީންގެ ތެރެއިން ޖިނާއީ ބޮޑެތި ކުށްތަކަށް ހުކުމް ކުރައްވާފައިވާ ގައިދީން އިސްތިސްނާ ވާނެ ގޮތުގެ މަތިން މަސައްކަތް ކުރުމަށް އެކަށީގެންވާ ޤައިދީނަށް އަފްޢާމެއް ދިނުމަށް ގޮވާލާ ޤަރާރެއް ކަމަށް އޭގައި ބުނެފައިވެއެވެ.
އެގޮތުން އެޤަރާރުގައި ބުނެފައިވަނީ ދިވެހި މަސައްކަތް ކުރުމަށް ޖަލުގައި ހުކުން ތަންފީޒު ކުރަމުންދާ ގައިދީންގެ ތެރެއިން ޖިނާއީ ބޮޑެތި ކުށްތަށް ކަމުގައިވާ ކުޑަކުދިންނާއި ބެހުމާއި، މަސްތުވާތަކެތީގެ ވިޔަފާރި ކުރުމާއި، މީހުން މެރިކަމުގެ ހުކުމް ކޮށްފައިވާ ގައިދީން އިސްތިސްނާވާ ގޮތުގެ މަތިން، ބާކީ ތިބި ގައިދީން ދޫކޮށްލުމުގެ އަފްޢާމެއް ނެރެދެއްވުމަށް ދިވެހި ސަރުކާރަށް އެދިލައްވާ ކަމަށެވެ.
