މާލެ ވަށާ ސީސީޓީވީ ހުންނާނެ، ސީޕީ ސިޔާސީ ސްޓަންޓް ނުޖައްސަވާ: ޝިޔާމް
އިދިކޮޅު ޕީޕީއެމް/ޕީއެންސީން އިންތިޒާމު ކޮށްގެން ރޭ މާލޭގައި ހިންގި މުޒާހަރާގައި، މުޒާހަރާގެ ބައިވެރިވި މީހަކު ފުލުހުންގެ ގަޔަށް ހައްޕުނޑު އުކިކަމަށް ބުނެ ދެކެވެމުން އަންނަ ވާހަކަތަށް ޕްރޮގްރެސިވް ކޯލިޝަނުން ދޮގު ކޮށްފިއެވެ.
މިކަމާއި ގުޅޭގޮތުން ރައްޔިތުންގެ މަޖިލީހުގެ ނައިފަރު ދާއިރާގެ މެންބަރު އަދި ޕީޕީއެމް ގެ ނައިބު ރައީސް އަޙުމަދު ޝިޔާމް މީގެ ކުޑައިރުކޮޅެއް ކުރިން ކުރެއްވި ޓްވީޓެއްގައި ކޮމިޝަނަރ އޮފް ޕޮލިސް މުޙައްމަދު ހަމީދު އަށް ވިދާޅުވީ ސިޔާސީ ސްޓަންޓު ނުޖެއްސެވުމަށާއި މާލެ ވަށާ ސީސީޓީވީ ކެމެރާ ހުންނާނެ ކަމަށެވެ.
"ބައްލަވާލައްވާފަ ތިފަދަ މުޑުދާރު ޢަމަލު ހިންގި ފަރާތް ހިފާ ހައްޔަރު ކުރޭ. ތިއީ އިންސާނުން މަޖަލަކަށް ވެސް ކުރާވަރު ކަމެއް ނޫން" އެމްޕީ ޝިޔާމް ވިދާޅުވެފައިވެއެވެ.
CP @M_Hameedh siyaasee stunt nujassava. Theethi nuhingaane. Male' vasha hunnaane CCTV. Ballavaafa thifadha mududhaaru amalu hingi faraai hifaa hayyaru kurey. Thee insaanun majalakahves kuraavaru kankamehnoon. https://t.co/9lGDLX9qw4
— Ahmed Shiyam (@Shiyamaldives) July 28, 2020
މީގެ އިތުރުން ޝިޔާމް ވިދާޅުވީ "ސަރ މެން މުޒާހަރާގައި ކުޅު ތަޅަން ނިންމާފައިވާ ކަމުގެ މައުލޫމާތެއް ލިބިފައިވާ ކަަމަށް" ޝިޔާމް ގާތު ފުލުހުންގެ އޮފިސަރެއް ރޭ 20:22 ހާއިރު ވިދާޅުވި ކަމަށެވެ.
"އަޅުގަނޑު ދެންނެވިން އަޅުގަނޑުމެންނަކީ ދިވެހި ފުލުހުންނަށް ވަރަށް އިޚްތިރާމް ކުރާ ބައެކޭ، އެފަދަ ކަމެއް ކުރާނެ އަދި އެފަދަ ކަމަކަށް ހިތްވަރު ދޭނެ ބައެއް ވެސް ނޫނޭ، ޔަގީން ކުރާށޭ. މިހަޑި މުޑުދާރު ޢަމަލަކީ އެހެން ބަޔަކު ރާވައިގެން ފުލުހުންނަށް ވެސް މައުލޫމާތު ލިބިފައި އޮތް ޢަމަލެއްކަން ޔަގީނޭ" ޝިޔާމް ވިދާޅުވިއެވެ.
ޕީޕީއެމް/ޕީއެންސީ އިންވަނީ މިކަން ހަރުކަށި އިބާރާތުން ކުށްވެރިކޮށް މިޢަމަލު ހިންގި ފަރާތް ހައްޔަރު ކުރުމަށް ވެސް ގޮވާލާފައެވެ.
Ihuthijaaj feshumuge kurin 20:22 ga Police Officer eh alhugandu Chaandhanee Magu dhuvaaru mathee hutta vadaigen vidhaalhuvee Sir men mirey nimmafa othee kulhu thalhan kamah mauloomath libeye. Alhugandu dhennevin alhugandumennakee Dhivehi Fuluhunnah v ihuthiram kura bayekey. 1/2 https://t.co/9lGDLX9qw4
— Ahmed Shiyam (@Shiyamaldives) July 28, 2020
