ކުކުޅުފިހާރަ: ހިލޭ ކުކުޅު ކޭސް ލިބޭ ޕްެރޮމޯޝަންގެ މުއްދަތު އޯގަސްޓް 30ގެ ނިޔަލަށް އިތުރުކޮށްފި!

"ކުކުޅު ފިހާރަ" އިން އަޟްހާ އީދާ ދިމާކޮށް ފެށި ޚާއްސަ ޕްރޮމޯޝަން އަންނަ އޯގަސްޓު 30ގެ ނިޔަލަށް އިތުރުކޮށްފި އެވެ.

Ads by STELCO

މިޕްރޮމޯޝަނާއި ގުޅޭގޮތުން "ކުކުޅުފިހާރައިގެ" ޑިރެކްޓަރ އޮފް ސޭލްސް އެންޑް މާރކެޓިން ނަޝާތު ވިދާޅުވީ، އަޟްހާ އީދާ ދިމާކޮށް ހުޅުވާލާފައިވާ މި ޕްރޮމޯޝަންގެ މުއްދަތު އަންނަ އޮގަސްޓް މަހުގެ 30 ގެ ނިޔަލަށް އިތުރުކުރީ މި ޕްރޮމޯޝަނަށް ވިޔަފާރިތަކުން ލިބެމުން އަންނަ ތަރުހީބު އިތުރުވުމުން ކަމަށެވެ.

ފިނިކުރި ކުކުޅާއި، ކުކުޅުގެ ބައިތަކާއި، ފިނިކުރި އިތުރު އައިޓަމްސް ފުޅާ ދާއިރާއެއްގައި ވިއްކަމުން އަންނަ "ކުކުޅު ފިހާރައިން" މިޕްރޮމޯޝަން ފަށާފައިވަނީ މިހިނގާ ޖުލައި މަހުގެ 15 ވަނަ ދުވަހުގައެވެ.

ނަޝާތު ވިދާޅުވި ގޮތުގައި މިޚާއްސަ ޕްރޮމޯޝަންގެ ދަށުން، ބައްލަވައިގަންނަވާ ކޮންމެ 10 ކޭސް ކޮށި ކުކުޅަށް އެއް ކޭސް ކޮށި ކުކުޅު ހިލޭ ލިބޭނެ އެވެ. އަދި މި ޕްރޮމޯޝަންގައި ބައްލަވައިގަންނަ ކޮންމެ 10 ކޭސް ނުކޮށާ ކުކުޅު ކޭހަކުން 10 ރުފިޔާގެ ޑިސްކައުންޓް ވެސް ލިބޭނެ ކަމަށް ނަޝާތު ވިދާޅުވި އެވެ.

"ކުކުޅު ރީޓެއިލްކޮށް ވިއްކާ ފިހާރަތަކަށް އެންމެ ރަގަޅު ޗޮއިސް އަކީ މިއަދު ކުކުޅު ފިހާރަ. އަޅުގަނޑުމެންގެ އަގުތަކުގައި ފިހާރައަށް ނުވަތަ ބޯޓާ ހަމައަށް ހިލޭ ގެންގޮސްދޭނެ އިތުރު ފަރާތެއް މިވަގުތު ނެތް. ފިނިކުރި ހުރިހާ ބާވަތެއްގެ ސާމާނު އަޅުނގަޑުމެން އަތުން ލިބެން ހުންނާނެ، މި ޕްރޮމޯޝަންގައި 10 ކޭސް ކޮށި ކުކުޅު ގަތީމަ މިދެނީ 1 ކޭސް ކޮށި ކުކުޅު ހިލޭ.. އަދި ބައްލަވައިގަންނަ ކޮންމެ 10 ކޭސް ނުކޮށާ ކުކުޅު ކޭހަކުން 10 ރުފިޔާގެ ޑިސްކައުންޓް ވެސް ލިބޭނެ، 15 ޖުލައިގައި ފެށި ޕްރޮމޯޝަަން ދެން ނިމޭނީ އަންނަ އޮގަސްޓް މަހުގެ 30 ވަނަ ދުވަހު.." ނަޝާތު ވިދާޅުވި އެވެ.

މީގެއިތުރުން ނަޝާތު ވިދާޅުވީ އަޟްޙާ ޢީދާއި ދިމާކޮށް ވިޔަފާރި ބޭނުމަށް ނޫނަސްވެސް، 10 ކޭސް ކޮށި ކުކުޅު ބައްލަވައިގެންނެވުމުން 1 ކޭސް ކޮށި ކުކުޅު ހިލޭ ލިބޭނެ ކަމަށެވެ.

ކޮށި ކުކުޅުގެ ޕެކިންގައި ހުރިހާ ސައިޒެއް އިނގޭނެހެން ލޭބަލް ކުރެވިފައި ވާނެކަމަށް ވެސް ނަޝާތު ވިދާޅުވިއެވެ. އެހެންކަމުން މިއީ ކުރިއަށްއޮތް އަޟްހާ އީދުގައި އަންހެން ވެރިންނަށް ލުއިވެ ކުކުޅު ކޮށަން ހޭދަވާ ވަގުތު ސަލާމަތް ކުރަން ވެސް ރަގަޅު ފުރުސަތެއްކަން ނަޝާތު ފާހަގަ ކުރިއެވެ.

"ވިޔަފާރި ވެރިއަކަށް ކޮންމެހެން ވާކަށް ނުޖެހޭ...ގޭބިސީ ތަކަށް ހާއްސަކޮށް ވެސް އަޅުގަނޑުމެން މި ދޫކޮށްލަނީ 1 ކޭސް ހިލޭ، މިސާލަކަށް އާއިލާގެ މެންބަރުން ނޫނީ ރައްޓެހިން އެއްވެގެން 10 ކޭސް ކޮށި ކުކުޅު ނެގިޔަސް މައްސަލައެއްނެތް." ނަޝާތު ވިދާޅުވި އެވެ.

"ކުކުޅު ފިހާރައިގެ" ހަތަރު ފިހާރައެއް ހުރެއެވެ.

▪︎ ކުކުޅު ފިހާރަ 1 - ހުޅުމާލޭގައި

▪︎ ކުކުޅު ފިހާރަ 2 - މާފަންނު އޭއެމްޑީސީ ސަރަހައްދުގައި

▪︎ ކުކުޅު ފިހާރަ 3 - ހެންވޭރު ކަލާފާނު ހިނގުމުގައި، އަދި

▪︎ ކުކުޅު ފިހާރަ 4 - އއ.ތޮއްޑޫގައި އެވެ.

"ކުކުޅު ފިހާރައިގެ" އިތުރު އައުޓް ލެޓްތައް ކުރިއަށް އޮތްތަނުގައި ރާއްޖޭގެ އެކިކަންކޮޅުތަކުގައި ހުޅުވިގެންދާނެ ކަމަށް ވެސް އެފިހާރައިން ބުނެއެވެ.