އިންޑިއާއަށް ދިޔަ ބަލި މީހެއްގެ އެހީތެރިއަކު ކޮވިޑަށް ފައްސި ވެއްޖެ

އާސަންދައިގެ ހަރަދުގައި އިންޑިއާއަށް ބޭސްފަރުވާއަށް ދިޔަ ބަލި މީހެއްގެ އެހީތެރިއަކު ކޮވިޑް-19 އަށް ފައްސި ވެއްޖެއެވެ.

އާސަންދަ އިން ބުނީ ކޮވިޑަށް ފައްސި ވެފައިވަނީ އާސަންދައިގެ ދަށުން މި މަހުގެ 14 ވަނަ ދުވަހު އިންޑިއާގެ އަމްރީތާ ހޮސްޕިޓަލަށް ދިޔަ ބަލިމީހުންގެ ތެެރެއިން ބަލިމީހެއްގެ އެހީތެރިއެއް ކަމަށެވެ.

މި މަހުގެ 14 ވަނަ ދުވަހު އިންޑިއާ އަށް ދިޔަ ދިވެހިންގެ ތެރެއިން ތިން މީހަކު މީގެކުރިން ވެސް ކޮވިޑަށް ފައްސި ވެފައެވެ. އެގޮތުން ފައްސިވީ މީހުންނާއި އެމީހުންގެ ކްލޯޒް ކޮންޓެކްޓުން އިންޑިއާގެ ހެލްތް ޕްރޮޓޮކޯލާ އެއްގޮތަށް، އެހެންފަރާތްތަކާ ވަކިން އައިސޮލޭޓްކޮށްފައިވާ ކަމަށް އާސަންދަ އިން ބުނެއެވެ.