ދިގު މީހުންނަށް ކޮވިޑް ޖެހުމުގެ ފުރުސަތު ބޮޑު: ދިރާސާ
ކޮރޯނާ ވައިރަސް މުޅި ދުނިޔޭގައި ހަލުވި ކަމާއެކު ފެތުރެމުންދާއިރު މި ބަލިން ރައްކާތެެރިވުމަށް ޓަކައި ކުރެވެން އޮތް ހުރިހާ ކަމެއް ހުރިހާ ގައުމަކުންވެސް ދަނީކުރަމުންނެވެ.
އިނގިރޭސިވިލާތު، އެމެރިކާ އަދި ނޯރވޭގެ ހޯދުންތެރިންތަކެއްވަނީ ކޮވިޑް-19 ފެތުރޭ މައިގަނޑު ސަބަބުތައް ދިރާސާ ކޮށްފައެވެ. އެގޮތުން އެމެރިކާ އަދިއިނގިރޭސި ވިލާތުގެ 2000 މީހުން ބޭނުންކޮށްގެން މި ހޯދުންތެރިން ދިރާސާއެއް ކޮށްފައިވާއިރު ކޮވިޑް-19 އަކީ ވައިގެ ތެރެއިންވެސް މިހާރު ފެތުރޭބައްޔެއްކަން ސާބިތުވެފައިވާ ކަމަށް ހަބަރު ފަތުރާ ވަސީލަތްތަކުން މައުލޫމާތު ދެއެވެ.
އަދި ހަމަ އެހެންމެ ދިގު މީހުންނަށް ކޮވިޑް-19 ޖެހުމުގެ ފުރުސަތު ބޮޑު ކަމަށްވެސް މި ދިރާސާއިން ވަނީ ސާބިތުވެފައެވެ. އަދި ކުޅުގެ ސަބަބުން ވައުގެ ތެރޭގައިމި ބަލީގެ އަސަރު ފެތުރި ގިނައިރުތަކެއް ވަންދެން ވައިގައި ހިފާފައި ހުންނަ ކަމަށާއި ރަނގަޅަށް ބަންދު ނުވެ ހުންނަ ތަންތަނަށް މި ބަލި ފެތުރުމުގެ ފުރުސަތުބޮޑުކަމަށްވެސް މި ހޯދުންތެރިން ވަނީ ބުނެފައެވެ.
އަދި ހަމައެހެންމެ ދިގުމީހުންނަށް ކޮވިޑު-19 ޖެހުމުގެ ފުރުސަތު ވަރަށް ބޮޑުކަން ޔަގީން ކުރުމަށްޓަކައި އިތުރު ހޯދުންތައް ހޯދަމުން ދާ ކަމަށާއި، މިވަގުތު އޮތްއެންމެ ރަނގަޅު ގޮތަކީ ބޭރަށް ނުކުންނަ ވަގުތު މާސްކު އަޅައިގެ ނުކުތުން ކަމަށް މި ހޯދުންތެރިން ވަނީ ބުނެފައެވެ.
