ތުހުމަތު ތަކަށް ރިއާގެ ރައްދު: އިންސާފު ލިބޭނެ
މި ދުވަސްވަރު އެންމެ ގަދައަށް ދެެކެވޭ އެއް ވާހަކައަކީ ސުޝާންތު ސިންގު ގެ މަރާއި ގުޅިގެން އޭނާގެ ލޯބިވެރިޔާ ރިއާ ޗަކްރަބޮތީ އާ މެދު ކުރެވޭ ތުހުމަތު ތަކުގެ ވާހަކައެެވެ. ސުޝާންތު އަމިއްލައަށް މަރުވީ އޭނަގެ ލޯބިވެރިޔާ ރިއާ ގެވެސް ސަބަބުން ކަމަށް ބުނެ ސުޝާންތުގެ ބައްޕަ ވަނީ ރިއާ އާ ދެކޮޅަށް ދައުވާ ކޮށްފައެވެ. މިކަމާއި ގުޅިގެން ރިއާ ފިލާ އުޅުމަށްފަހު މިވަނީ އޭނާގެ ދިފާއުގައި ވީޑިއޯއެއް އާންމުކޮށްފައެވެ.
އެ ވީޑިއޯގައި ރިއާ ބުނެފައިވާ ގޮތުގައި މީޑިއާގައި އޭނާއާ މެދު ކޮންމެ ގޮަތަކަށް ވާހަކަ ދެކެވުނަސް އޭނާ އާ އަށް އިސްސާފު ލިބޭނެއެވެ. އަދި އޭނާގެ ވަކީލުންގެ އިރުޝާދުގެ މަތިން މިކަމަށް އެއްވެސް އެއްޗެއް ނުބުނާނެ ކަމަށް ވެސް ރިއާ ބުނެއެވެ.
ސުޝާންތުގެ ބައްޕަ ރިއާ އާއި ދެކޮޅަށް ކުރި ދައުވާގައި ބުނެފައިވަނީ ރިއާގެ ސަބަބުން ވެސް ސުޝާންތު މާލީ ގޮތުން ދަތިކަމާއި ކުރިމަތިވެ އެކަމާއި ފިކުރުބޮޑުވި ކަމަށާއި ނަފްސާނީ ގޮތުން ވެސް ސުޝާންތަށް އަނިޔާ ދިން ކަމަށެވެ.
ރިއާގެ އިތުރުން ސުޝާންތުގެ އާއިލާގެ ތެރެއިން ޕަޓްނާއަށް ނިސްބަތްވާ ހަތަރު މީހަކާއި ދެކޮޅަށް ވެސް ވަނީ ދައުވާ ކޮށްފައެވެ. ނަމަވެސް އެއީ ކޮން ބައެއްކަން ހާމަ ކޮށްފައެއް ނުވެއެވެ.
މީގެ އިތުރުންވެސް ރިއާ ވަނީ ސްޝާންތު ބްލެކް މެއިލްކޮށްފައި ކަމަށާއި ، އޭނާގެ ބޭންކް އެކައުންޓްތަކާއި ކްރެޑިޓްކާޑުތަކެއް ވެސް ބަލަހައްޓަމުން ދިޔައީ ރިއާ އާއި އޭނާގެ ޢާއިލާއިން ކަމަށެވެ. އަދި އަހަރެއްހާ ދުވަހުގެ ތެރޭގައި 15 ކްރޯޑް ރުޕީސް ރިއާ ވަނީ ސްޝާންތުގެ އެކައުންޓުން ޓްރާންސްފަރކޮށްފައި ކަމަށްވެސް ސްޝާންތުގެ ބައްޕަ ބުނެފައިވެއެވެ.
ސްޝާންތާއި ލޯބީގެ ގޮތުން ގުޅިގެން ، އެކީ އުޅުނު ރިއާ ވަނީ ސްޝާންތުގެ އެތައްބައިވަރު ފައިސާއަކާއި ގަހަނާއެއް ހިފައިގެން ޖޫން 8 ވަނަ ދުވަހު ސްޝާންގެ ގެއިން ނުކުމެފައެވެ. ސްޝާންތު ދަންޖެހުގެން މަރުވެފައިވަނީ ޖޫން 14 ވަނަ ދުވަހުއެވެ.
Ads by STO
