ތިނަދޫގައި ކަރަންޓީނުގައި ނެތްމީހަކު ކޮވިޑް-19އަށް ފައްސިވެއްޖެ
ގދ ތިނަދޫގައި ކަރަންޓީނުގައި ނެތް މީހަކު ކޮވިޑް-19 އަށް ފައްސި ވެއްޖެއެވެ.
ޑރ އަބްދުއްސަމަދު މެމޯރިއަލް ހޮސްޕިޓަލުން ބުނީ ފައްސިވެފައިވަނީ ހޯމް ކަރަންޓީނުގައި ހުއްޓާ މިއަދު ފައްސިވި ފަރާތެއްގެ ޑައިރެކްޓް ކޮންޓެކްޓެއް ކަމަށެވެ.
އެ ހޮސްޕިޓަލުން ބުނީ 22 އެޕްރިލް 2021 ވަނަ ދުވަހު ނެގި ހޯމްކަރަންޓީން ރިލީޒް 2 ސާމްޕަލެއް ކޮވިޑް-19 އަށް ފައްސިވެފައިވުމުން، ކޮންޓެކްޓް ޓްރޭސިންގައި ފާހަގަވި ފަރާތްތަކުގެ ތެރެއިން ޑަަައިރެކްޓް ކޮންޓެކްޓެއްގެ ސާމްޕަލެއް ކޮވިޑް-19އަށް ފައްސިވެފައިވާ ކަމަށެވެ. އެހެންކަމުން ހުރިހާ ބޭފުޅުން ވެސް ރައްކާތެރި ކަމުގެ ފިޔަވަޅުތަކާއެކު މާސްކް އުޅުމަށް އެ ހޮސްޕިޓަލުން ވަނީ އިލްތިމާސް ކޮށްފައެވެ.
އަދި ކޮންޓެކްޓް ޓްރޭސިންއާ ގުޅޭ އެއްވެސް މައުލޫމާތެއް ހިއްސާ ކުރައްވަން ބޭނުންފުޅު ނަމަ ތިނަދޫ ކޮވިޑް ހޮޓްލައިން ނަންބަރު 7934641 އާ ގުޅުއްވައި މައުލޫމާތު ހިއްސާ ކުރެއްވުމަށް ވެސް ޑރ އަބްދުއްސަމަދު މެމޯރިއަލް ހޮސްޕިޓަލުން އެދިފައިވެއެވެ.
ކޮމެންޓް