އެކި މަސްމަހު އެކި މުއްދަތަށް މައްސަރުގެ ކަންތައް ޖެހޭ އަންހެނާގެ އިއްދަ

الحمد لله، والصلاة والسلام على نبينا محمد وعلى آله وصحبه وسلم وبعد:
ޙައިޟުގެ ޢުމުރަށް އެޅިފައިވާ އަންހެނުން ތިން ބަޔަކަށް ބެހިގެންވެއެވެ. އެއީ:
- މުޢްތާދާ (ކޮންމެ މަހަކުވެސް ގަވައިދުން ޙައިޟުވާ އަންހެނުން.)
- މުރްތާބާ (ބަނޑުބޮޑުވުމުގެ ސަބަބުން، ނުވަތަ ކިރު ދިނުމުގެ ސަބަބުން ނުވަތަ ބައްޔެއްގެ ސަބަބުން ޙައިޟުގެ ލޭ އައުން މެދުކެނޑިފައިވާ އަންހެނާ.)
- މުސްތަޙާޟާ (ބައްޔެއްގެ ސަބަބުން ކުރިމަތި ފަރާތުން ލޭ އަންނަ، އަދި މީގެ ސަބަބުން ޙައިޟުގެ ލެޔެއް އެހެން ލެޔެއް ވަކި ކުރަން ނޭނގިފައިވާ އަންހެނާ.)
- މުޢްތާދާ (ކޮންމެ މަހަކުވެސް ގަވައިދުން ޙައިޟުވާ އަންހެނުން.) މިފަދަ އަންހެނުންގެ ޢިއްދާ އަކީ ތިން ގުރްއު އެވެ. ސޫރަތުލް ބަގަރާގެ 228 ވަނަ އާޔަތުގައި މާތް ﷲ ވަޙީ ކުރައްވާފައިވެއެވެ. (وَالْمُطَلَّقَاتُ يَتَرَبَّصْنَ بِأَنفُسِهِنَّ ثَلَاثَةَ قُرُوءٍ ) މާނައަކީ: " އަދި، ވަރިކޮށްފައިވާ އަންހެނުން، އެކަނބަލުންގެ އަމިއްލަ نفس ތަކާއިގެން ތިން قُرء ވަންދެން انتظار ކުރާހުށިކަމެވެ!"
- މުރްތާބާ (ބަނޑުބޮޑުވުމުގެ ސަބަބުން، ނުވަތަ ކިރު ދިނުމުގެ ސަބަބުން ނުވަތަ ބައްޔެއްގެ ސަބަބުން ޙައިޟުގެ ލޭ އައުން މެދުކެނޑިފައިވާ އަންހެނާ.) އިމާމް މާލިކް އަދި އަޙްމަދު ބިން ޙަންބަލް- ރަޙިމަހުމުﷲ-ގެ ރައުޔަކީ މިފަދަ އަންހެނުންގެ ޢިއްދާ އަކީ އެންމެ ފަހަން ޙައިޟު މެދުކެނޑުނު ހިސާބުން ފެށިގެން އެއް އަހަރު ދުވަހެވެ. ނަމަވެސް އިމާމް ޝާފިޢީ އަދި އަބޫ ޙަނީފާ- ރަޙިމަހުމުﷲ- ގެ ރައުޔަކީ މިފަދަ އަންހެނުން ޙައިޟުވަންދެން ނުވަތަ ޙައިޟު މެދުކެނޑޭ ޢުމުރަށް އެޅެންދެން މަޑުކުރުމެވެ. އަދި އެއަށް ފަހު ތިން މަސްދުވަހު ޢިއްދާގައި އިނުމެވެ.
- މުސްތަޙާޟާ (ބައްޔެއްގެ ސަބަބުން ކުރިމަތި ފަރާތުން ލޭ އަންނަ، އަދި ޢާއްމުކޮށް ޙައިޟުވާ މުއްދަތަކީ ކޮބައިކަން ނޭނގުމުގެ ސަބަބުން، ޙައިޟުގެ ލެޔެއް އެހެން ލެޔެއް ވަކި ކުރަން ނޭނގިފައިވާ އަންހެނާ.) އިމާމް މާލިކް ރަޙިމަހުﷲގެ ރައުޔަކީ ޙައިޟުގެ ލެޔާއި އިސްތިޙާޟާގެ ލެޔަކީ ކޮބައިކަން ވަކި ކުރަން ނޭނގޭ އަންހެނުން އެއް އަހަރުވަންދެން ޢިއްދާގައި ހުރުމެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.