ބަހުގެ އެކެޑަމީގެ ވާހަކަ އާއި މަޒުމޫނު ލިޔުމުގެ މުބާރާތުގައި ބައިވެރިވުމުގެ ސުންގަޑި އިތުރު ކޮށްފި
ދިވެހިބަހުގެ އެކެޑަމީން ، އަލްއުސްތާޛް މުހައްމަދު ޖަމީލް ދީދީގެ ވާދައިގެ ތައްޓަށް ބާއްވާ މަޒުމޫނު ލިޔުމުގެ މުބާރާތާއި އައްޝައިޚް މަލިމް މޫސާ މާފަތްކަލޭފާނުގެ ވާދައިގެ ތައްޓަށް ބާއްވާ ވާހަކަ ލިޔުމުގެ މުބާރާތުގައި ބައިވެރިވުމާއި ތަކެތި ހުށަހެޅުމުގެ ސުންގަޑި އިތުރު ކޮށްފިއެވެ.
ދިވެހިބަހުގެ އެކެޑަމީން ކޮށްފައިވާ އިއުލާނެއްގައި ބުނެފައި ވަނީ މަޒުމޫނު ލިޔުމުގެ ގައުމީ މުބާރާތުގައި ބައިވެރިވާން އެދޭ ފޯމާއި ތަކެތި ހުށަހެޅުމުގެ ސުންގަޑި އަކީ 21 ޖޫން 2021ވާ ހޯމަ ދުވަހުގެ 13:30 ކަމަށެވެ. އަދި ވާހަަކަ ލިޔުމުގެ މުބާރާތުގައި ބައިވެރިވުމުގެ ފޯމާއި ތަކެތި ހުށަހެޅުމުގެ ސުންގަޑި އަކީ 23 ޖޫން 2021ވާ ބުދަ ދުވަހުގެ 13:30 ކަމަށެވެ.
މީގެ އިތުރުން އެ އިއުލާނުގައި ބުނެފައި ވަނީ މުބާރާތްތަކާ ގުޅޭ ލިޔުންތައް ބަހުގެ އެކެޑަމީގެ ކައުންޓަރުންނާއި ވެބްސައިޓުން މިހާރު ލިބެން ހުންނާނެ ކަމަށެވެ. އަދި އިތުރު މައުލޫމާތު ބޭނުންނަމަ 7986230 އަށް ގުޅުއްވުމަށް ވެސް އެ އިއުލާނުގައި އެދިފައިވެއެވެ.
މިއީ އަލްއުސްތާޛް މުހައްމަދު ޖަމީލް ދީދީގެ ވާދައިގެ ތައްޓަށް ބާއްވާ 36 ވަނަ ޤައުމީ މަޒުމޫނު ލިޔުމުގެ މުބާރާތެވެ. އަދި އައްޝައިޙް މަލިމް މޫސާ މާފަތްކަލޭފާނުގެ ވާދައިގެ ތައްޓަށް ބާއްވާ 33 ވަނަ ޤައުމީ ވާހަކަ ލިޔުމުގެ މުބާރާތެވެ.
Ads by STO
