މާންދޫ ކްލަސްޓާ: ފޮނަދޫން އިތުރު 3 މީހަކު ފައްސިވެ، ޖުމްލަ އަދަދު 6 އަށް
ލ. ފޮނަދޫއިން އިތުރު 3 މީހަކު ކޮވިޑް-19 އަށް ފައްސިވެއްޖެއެވެ.
ގަން ރީޖަނަލް ހޮސްޕިޓަލު މެނޭޖަރ އަލީ ނަޝީދު "ދެން" އަށް މައުލޫމާތު ދެއްވަމުން ވިދާޅުވީ ޑައިރެކްްޓް ކޮންޓެކްޓުންގެ އަލާމާތްތައް ފެނި އެ ހޮސްޕިޓަލުން ޓެސްޓުކުރި ތިން ސާމްޕަލެއްގެ ނަތީޖާ ވަނީ ފައްސި ވެފައި ކަމަށެވެ. މީގެ ތެރޭގައި އުމުރުން ދުވަސްވީ އެކަކު ހިމެނޭ ކަމަށް ވެސް ވިދާޅުވިއެވެ.
ފޮނަދޫ ގައި ފެތުރެމުން މިދަނީ މާންދޫ ކްލަސްޓާއާ ގުޅުންހުރި ކޭސްތަކެވެ. މި ކްލަސްޓާގެ ތެރެއިން މިހާރު ފޮނަދޫން 6 މީހުން ވަނީ ކޮވިޑް-19 އަށް ފައްސި ވެފައެވެ.
ރާއްޖޭގައި ކޮވިޑް-19 ފެތުރެމުން އަންނަ މިންވަރު މި ފަހަކަށް އައިސް އަނެއްކާވެސް ދަނީ އިތުރުވަމުންނެވެ. އެގޮތުން މިއަދު ވެސް 318 މީހުން މި ބައްޔަށް ފައްސި ވެފައިވާއިރު، އަތޮޅުތެރެއިން 130 މީހުން ފައްސި ވެފައިވެއެވެ.
ރާއްޖެއިން މިހާރު ޖުމްލަ 29،370 މީހުން ކޮވިޑް-19 އަށް ފައްސި ވެއްޖެއެވެ. އަދި 24،703 މީހުން ބަލިން ފަސޭހަވެ، 73 މީހުން މި ބަލީގައި ވަނީ ނިޔާވެފައެވެ.
Ads by STO
