ސްކޫލްތަކުގެ ކިޔެވުން ހަމައެކަނި އޮންލައިންކޮށް ކުރިއަށްގެންދާ ގޮތަށް ނިންމައިފި
ރާއްޖޭގައި އަނެއްކާ ވެސް ހަލުވިކަމާއެކު ކޮވިޑް-19 ފެތުރެމުން ދާތީ ސްކޫލްތަކުގެ ކިޔެވުން އޮންލައިންކޮށް ކުރިއަށް ގެންދާ ގޮތަށް ނިންމައިފިއެވެ.
ހެލްތު އެމަޖެންސީ އޮޕަރޭޝަން ސެންޓަރ (އެޗްއީއޯސީ) އިން ނެރުނު ބަޔާނެއްގައި ވިދާޅުވެފައި ވަނީ މި ހިނގާ މެއި މަހުގެ 5 އިން 15 އަށް ސްކޫލްތަކުގެ ކިޔެވުން އޮންލައިންކޮށް ކުރިއަށް ގެންދިޔުމަށް ނިންމަވާފައިވާ ކަމަށެވެ. މިއީ މިނިސްޓްރީ އޮފް އެޑިއުކޭޝަނާ ގުޅިގެން ނިންމި ނިންމެވުމެއް ކަމަށް ވެސް އެޗްއީއޯސީގެ އެ އެންގުމުގައި ވެއެވެ.
ރާއްޖޭގައި މިފަހަކަށް އައިސް ކޮވިޑަށް ފައްސިވާ އަދަދުތައް އަނެއްކާ ވެސް ވަނީ ރިކޯޑު އަދަދަކަށް އިތުރުވާން ފަށާފައެވެ. އެގޮތުން ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ނެރުނު އެންމެ ފަހުގެ ތަފާސް ހިސާބުތަކަށް ބަލާއިރު، އިއްޔެ ރާއްޖެއިން މި ބައްޔަށް 508 މީހުން ވަނީ ފައްސި ވެފައެވެ.
އެ އަދަދާއެކު މިހާރު ރާއްޖެއިން މުޅިއަކު 30،745 މީހުން ފައްސިވެފައިވެއެވެ. އަދި ބަލިން ފަސޭހަ ވެފައިވަނީ 25،068 މީހުންނެވެ.
ކޮވިޑް-19 ޖެހިގެން ރާއްޖެއިން މިހާތަނަށް ނިޔާވެފައިވަނީ 74 މީހުންނެވެ.
Online koh kiyavai yah, nidhiyeyhe!!
Online koh kiyavai , kiyavai kudhin ge keyrvun halaaki ve nimenee!!
Online koh kiyavai dhinumakee hahlanun. Hah lakeee, balai madokamaai eikoh veyndhey dhas kedun.
އެޗް.ޕީ.އޭ އިން ނެރުނު ބަޔާނުގަ ނެތް ތި ވާހަކައެއް
ކިހާވަރަކަށޭ އިންޓަރނެޓް ގެ އަގުތަށް މި އުޅެނީ؟؟ ދެން މިވީ ދަރައިގެންވެސް ދަރިންނަށް ކިޔަވަދެވޭތޯ އުޅެން
އިންތިހާބު ނިމެންދެން ކޮވިޑްއޮތީ ބަންދުކޮއްފަ ދޯ އެޗްޕީއޭ ވެސް ސިޔާސީ ނުފޫޒުގެ ދަށުވެފަ މައިމޫނާ ތީތި ކަޑައޭ ބުރޯ
އަލްހަމްދުލިއްلله
ވަރަށް ހިތްހަމް ޖެހިއްޖެ މިއޮއް ނުރައްކާ ދަނޑިވަޅުގަ ސްކޫލު ބަންދު ކުރީމާ. ބިރުންހުރެ ސްކޫލަށް މަޖުބޫރުވެގެން މިދިޔަ ހަފުތާގަ ވެސް ސްކޫލަށް މި ފޮނުވީ. އެހެން އެއްވެސް ތަނަކަށް ނުފޮނުވަން. ވަރަށް ބޮޑަށް ނޭވާހިއްލާ ދެކުދިން ވީމަ ވަރަށް ބަލައިގެން މި ގެންގުޅެނީ.
އަޅުގަނޑު ގެ ހިޔާލަކީ އޮންލައިން ކޮށް ކިޔެވުމަކީ މިވަގުތުގައި އެއްމެ ރަނގަޅު ގޮތެވެ.