ސިނޮފާމް ވެކްސިން 60 އަހަރުން މަތީގެ މީހުންނަށް ޖަހަން ހުއްދަ ދިނުން މުހިންމު : ޑރ.ފައިސަލް
އުމުރުން 60 އަހަރުން މަތީ މީހުންނަށް ސިނަފޯމް ވެކްސިން ޖެހުމަށް ހުއްދަ ދިނުން މުހިންމު ކަމަށް އައިޖީއެމްއެޗުގެ ކުޑަކުދިންގެ ޑޮކްޑަރު، ޑރ. އަހްމަދު ފައިސަލް ވިދާޅުވެއްޖެއެވެ.
ޑރ. ފައިސަލް ކުރެއްވި ޓުވީޓެއްގައި ވިދާޅުވީ އިތުރު ވެކްސިނެއް ނެތް ތަނެއްގައި ސިނޮފާމް ވެކްސިން 60 އަހަރުން މަތީގެ މީހުންނަށް ޖަހަން ހުއްދަ ދިނުން މުހިންމު ކަމަށާއި 18 އަހަރުން މަތީ މީހުންނަށް ސިނޯފާމް ވެކްސިން ދިނުމަށް ދުނިޔޭގެ ސިއްހަތު ޖަމިއްޔާއިން ވެސް ލަފާދީފައިވާ ކަމަށެވެ.
https://twitter.com/faisalnaifaru/status/1390716469487366154?s=21
ކޮވިޑް-19 އިން ރައްކާތެރިވުމަށް ރާއްޖޭގައި ޖަހަނީ 3 ވައްތަރެއްގެ ވެކްސިނެކެވެ. އެއީ އިންޑިއާއިން ހަދިޔާ ކުރި ކޮވިޝީލްޑް ވެކްސިނާއި ޗައިނާއިން ހަދިޔާ ކުރި ސިނޮފާމް ވެކްސިންގެ އިތުރުން ފައިޒާ ވެކްސިނެވެ.
ސީނޯފާމު އުފެއްދި ބެއިޖިންގް ޕުރޮޑަކްޓުސް އިންސްޓިޓިއުޓުން ބުނީ ކޯވިޑް-19އާ ދެކޮޅަށް އެ ވެކްސިނުގެ ކާމިޔާބީގެ ނިޞްބަތަކީ 79 އިންސައްތަކަމަށެވެ.
ކޮމެންޓް