އިންކަމް ސަޕޯޓް އެލަވެންސް ލިބުނު މީހުންގެ ޒާތީ މައުލޫމާތު މިނިސްޓަރ ފައްޔާޒް އާއްމު ކުރައްވައިފި
ސަރުކާރުން މިދިޔަ އަހަރުން ފެށިގެން ދެމުން އައި އިންކަމް ސަޕޯޓް އެލަވެންސް ލިބުނު މީހުންގެ ޒާތީ މަޢުލޫމާތުތައް، މިނިސްޓަރ އޮފް އެކޮނޮމިކް ޑިވެލޮޕްމެންޓް ފައްޔާޒު އިސްމާޢީލް އާއްމު ކުރައްވައިފިއެވެ.
ފައްޔާޒު އާއްމު ކުރެެއްވި ލިސްޓްގައި އިންކަމް އެލަވެންސްގެ ގޮތުގައި ފައިސާ ދިން މީހުންގެ އައީޑީކާޑާއި އެޑްރެސް އަދި ނަމުގެ އިތުރުން އެލަވެންސްގެ ގޮތުގައި ދިން އަދަދު ވެސް ވަނީ އާއްމު ކުރައްވާފައެވެ.
ލިސްޓްގައި ހިމެނޭ މީހުން އާއްމު ކުރައްވާފައި ވަނީ، އިންކަމް ސަޕޯޓް އެލަވެންސް ދީފައި ވަނީ، ފައްޔާޒްގެ ރަހްމަތްތެރިންނަށް ކަމަށް މީހަކު ބުނި ޓްވީޓަކަށް ރިޕްލައި ކުރައްވަމުންނެވެ.
ގިނަ އާއްމުންގެ ޒާތީ މައުލޫމާތު ހިއްސާކޮށްފައި ވާތީ ފައްޔާޒުއަށް ގިނަ ބައެއްގެ ފާޑު ކިޔުން ދަނީ އަމާޒުވަމުންނެވެ. މިގޮތުން ރައީސް އޮފީހުން މިފަދަ މައުލޫމާތު އާއްމު ނުކުރައްވާނެ ކަމަށް މީގެ ކުރިން ވިދާޅުވެފައި ވަނިކޮށް، ފައްޔާޒް މިގޮތަށް ކަންތައް ކުރެއްވުމުން ގިނަ ބަޔަކު ދަނީ ނުރުހުން ފާޅު ކުރައްވަމުނެވެ.
ކޮވިޑް19ގެ ސަބަބުން ވަޒީފާއަށް އަސަރުކުރި މީހުންނަށާއި އާމްދަނީއަށް އަސަރު ކުރި މީހުންނަށް ދޭ އިންކަމް މީހުންނަށް 419.4 މިލިއަން ރުފިޔާ މިހާތަނަށް ވަނީ ހޭދަކޮށްފައެވެ.
މިނިސްޓަރ ފައްޔާޒް އެވެ . ކުރިން ލޯންތަކަށް ދެއްކުން ފަސްކުރުމަށް ދިން ލުއި އުފަލާއެކު ބަލައި ގަންނަމެވެ . ނަމަވެސް ކުރިން ލުއި ދިން އިރަށްވުރެ މިހާރު ހާލަތުމާ ގޯހެވެ . އަޅުގަނޑުމެން ގެސްޓްހައުސްތައް ހެދުމަށް މިލިއަނުން މިތިބީ ލޯނު ނަގައިގެން މިތަންތައް މިހާރު އިނދަ ޖެހިއްޖެ ބޭންކާވެސް ވާހަކަ ދެވެިއްޖެ ލުޔެއް ލިބޭތޯ ނަމަވެސް ސަރުކާރުން ލުޔެއް ދިނުމަށް އެދުމުން ނޫނީ ލުޔެއް ދިނުމަށް ނާންގާހާ ހިނދަކު ލިޔެއް ލިބެންނެތް ކަމަށް ބޭންކުންބުނޭ އަޅުގަނޑުމެން ގޮތް ހުސްވެއްޖެއެވެ . ވަރަށް އާދޭހާއެކު މިދަންނަވަނީ އަޅުގަނޑުމެން ލޯން ދައްކަނީ ފަތުރުވެރިންނަށް ރޫމްވިއްކައިގެން ލިބޭއެއްޗަކުންނެވެ . ވީމާ ، މިލޯން ތަކަށް އާއްމު ހާލަތައް ބަދަލު ވަންދެން ލުޔެއް ދެއްވުމަކީ ނުހަނު އެދޭ ކަމެކެވެ .
ރަނގަޅު. މިހުރިހާ ދުވަހު އެއްއަޑަކަށް އެއްވާމަކަށް ސޯސަލް މީޑިޔާގައި އޮންނަނީ އިންކަމް އެލަވުންސެއް ލިބުނީ ކާކަށްހޭ ކިޔާ ސުވާލު އުފައްދާ ޚަބަރު ތަކާއި ކޮމެންޓްތައް ކޮށްފައި ވާތަން. މިހާރު ޢާއްމު ކުރީމަ ކަމުނުދިޔައީ ލިބުނު މީހުންގެ ތެރޭގައި ކޮމެންޓު ކުރިމީހުން ހިމެނޭތީ ކަމަށް ވުން އެކަށީގެން ވެއެވެ.