އިންޓަނެޓުގެ އަގަށް ގެންނަ ބަދަލު ބުރާސްފަތި ދުވަހު އިއުލާންކުރަން ނިންމައިފި

އިންޓަރނެޓްގެ ޚިދުމަތާ ގުޅޭ ސަރުކާރުގެ އައު ސިޔާސަތު ބުރާސްފަތި ދުވަހު އިއުލާން ކުރަން ސަރުކާރުން ނިންމައިފިއެވެ.

Ads by MWSC

ރައީސް އޮފީހުގެ ތަރުޖަމާނު މަބްރޫކް އަބްދުލް އަޒީޒް ވިދާޅުވީ އިންޓަނެޓްގެ އާ އަގުތަކާއިސަރުކާރުގެ އާ ސިޔާސަތުތައް ބުރާސްފަތި ދުވަހުގެ ހެނދުނު 10:00 ޖަހާއިރު އިއުލާންކުރާނެކަމަށެވެ.

ޓެކްނޮލޮޖީ މިނިސްޓްރީން ނިންމާފައި އޮތީ، މިއަދު އެ އަގުތައް އިއުލާނު ކުރުމަށެވެ. އެހެން ނަމަވެސް، ދިމާވި ބައެއް ސަބަބުތަކާ ހެދި އަގުތައް އިއުލާނު ކުރުން މަޑުޖައްސާލާފައިވާކަމަށް މިނިސްޓްރީން ވަނީ ބުނެފައެވެ.

އިންޓަނެޓުގެ އަގު ހެޔޮ ކުރުމަކީ ރައީސް އިބްރާހިމް މުހައްމަދު ސޯލިހްގެ ވައުދުފުޅެކެވެ. މީގެ ކުރިން ވެސް އިންޓަނެޓު އަގު ހެޔޮކުރާނެ ތާރީހުކަމަށް ބުނެ އެތައް ތާރީހުތަކެއް ދީފައިވެއެވެ.