Monday, 16 November 2026
Advertisement
HDC — Share-Below (leaderboard)
ކުޅިވަރު

"ނޭނގިތިއްބައި" ރާއްޖެ އޭޝިއަން ކަޕް ކޮލިފައިންއަށް

"ނޭނގިތިއްބައި" ރާއްޖެ އޭޝިއަން ކަޕް ކޮލިފައިންއަށް

އޭޝިއަން ކަޕުގެ ކޮލިފިކޭޝަންގެ ޕްލޭއޮފްގައި ވާދަކުރަން ޖެހޭނެ ކަމަށް ރާއްޖެއިން ނިންމައިގެން ތިއްބައި އޭޝިއަން ކަޕް ކޮލިފިކޭޝަންގައި، އޭއެފްސީން ރާއްޖެ ހިމަނައިފިއެވެ.

މިއަދު ހެނދުނު އޭއެފްސީން އިއުލާން ކޮށްފައި ވަނީ، އޭޝިއަން ކަޕްގެ ކޮލިފައިން ބުރުން ރާއްޖެއަށް ޖާގަ ލިބިފައިވާ ކަމަށެވެ. ވޯލްޑްކަޕް އަދި އޭޝިއަން ކަޕް ކޮލިފިކޭޝަން ސިލްސިލާކޮށް ކުރިއަށްގެންދާ ކޮލިފައިންގެ ދެވަނަ ބުރުގެ ކޮލިފިކޭޝަން މަރުހަލާގައި ރާއްޖެ ކުޅެން ޖެހޭ މެޗުތައް މިހާރު ނިމިފައިވާއިރު ރޭ ރާއްޖެއާއި ފިލިޕީންސް ބައްދަލު ކުރި މެޗު 1-1އިން ވަނީ އެެއްވަރު ވެފައެވެ.

ރޭގެ މެޗުން މޮޅުވެގެން ރާއްޖެ ޓީމަށް އޭޝިއަންކަޕްގެ ކޮލިފައިން ގުރޫޕު ސްޓޭޖަށް ދިއުމުގެ ފުރުސަތު އޮތެވެ. އެއީ ކޮލިފައިން ގްރޫޕްގެ ހަތަރު ވަނައިގައި ނިންމި ނަމަވެސް ހުރިހާ ގްރޫޕްތަކުގެ ހަތަރު ވަނައިގައި ނިންމާ ޓީމުތަކުގެ ތެރެއިން ގަދަ ހަތަރެއްގައި ހިމެނިގެންނެވެ.

Advertisement
Allied Insurance — Square (box)

ރޭ ރާއްޖެއިން ކުޅެ ނިންމައިލި ކޮލިފިޝަންގައި ރާއްޖެ އަށް ލިބުނީ ގްރޫޕްގެ ހަތަރުވަނައެވެ. ތިންވަނަ ހޯދި ފިލިޕީންސް ވެސް ވާދަކުރާނީ ސީދާ ކޮލިފިކޭޝަން ބުރުގައެވެ.

އޭއެފްސީން މިއަދު ނެރުނު ރޭންކިންގައިވާ ގޮތުން ހަތަރުވަނައިގެ ގޮތުގައި އޭޝިއަން ކަޕްގެ ކޮލިފައިން ގްރޫޕް ސްޓޭޖުން ފުރުސަތު ލިބުނީ ރާއްޖެ އާއި ނޭޕާލް، ހޮން ކޮންގް، ސިންގަޕޫރު، އަފްގާނިސްތާން، މޮންގޯލިއާ، ތައިލެންޑް އަދި ސްރީލަންކާއެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.