މާލެއިން މިއަދު ފައްސިވީ 13 މީހުން!

ރާއްޖެއިން މިއަދު އިތުރު 138 މީހުން ކޮވިޑް-19އަށް ފައްސި ވެއްޖެއެވެ. އޭގެތެރެއިން 13 މީހުން ފައްސިވީ މާލެއިންނެވެ.

ހެލްތު ޕްރޮޓެކްޝަން އޭޖެންސީ (އެޗްޕީއޭ)ގެ ތަފާސް ހިސާބުތަކުން ދައްކާ ގޮތުގައި މިއަދު އަތޮޅުތެރެއިން މި ބައްޔަށް ފައްސިވީ 105 މީހުންނެވެ. އަދި ހިންގަމުން އަންނަ ރިސޯޓުތަކުން 7 މީހަކު ފައްސި ވެފައިވާ ކަމަށާއި އިންޑަސްޓްރިއަލް ރަށްތަކުން 13 މީހަކު މި ބައްޔަށް ފައްސި ވެފައިވާ ކަމަށް އެޗްޕީއޭގެ ތަފާސް ހިސާބުތަކުން ދައްކައެވެ.

މިހާރު ރާއްޖެއިން ކޮވިޑް-19އަށް މުޅިއަކު ފައްސިވެފައި ވަނީ 73،798 މީހުންނެވެ.

ބަލިން ފަސޭހަވެފައިވަނީ 69،974 މީހުންނެވެ. އަދި މި ބަލީގައި ރާއްޖެއިން މިހާތަނަށް 210 މީހުން ވަނީ ނިޔާވެފައެވެ.