އެންގޭޖްމަންޓު ހަދިޔާއަކަށް ޑަޔާނާއަށް ޕްރިންސް ޗާލްސް ދިން ކާރު ދާރުލް އާސާރަކަށް ވިއްކައިލައިފި
އިނގިރޭސިވިލާތުގެ ޕްރިންސް ޗާލްސް މީގެ އެތައް އަހަރެއް ކުރިން ލޭޑީ ޑަޔާނާ ސްޕެންސަރ (ޕްރިންސެސް ޑަޔާނާ)އަށް އެންގޭޖްމަންޓްގެ ހަދިޔާއެއްގެ ގޮތުގައި ދިން ކާރު ދާރުލް އާސާރަކަށް ވިއްކައިލައިފިއެވެ.
ބޭރުގެ ރިޕޯޓުތަކުން ބުނާ ގޮތުގައި ޑަޔާނާ ގެ ކާރު ވިއްކައިލައިފައި ވަނީ 50،000 ޕައުންޑު (69،200 އެމެރިކާ ޑޮލަރު) އަށެވެ.
ޕްރިންސް ޗާލްސް ޑަޔާނާއަށް މި ކާރު ހަދިޔާ ކޮށްފައި ވަނީ 1981 ވަނަ އަހަރުގެ މެއި މަހުގައެވެ. އެ ދެމީހުން ކައިވެނި ކުރީ އޭގެ ދެ މަސް ދުވަސް ފަހުން، އެސްޓީ ޕޯލްސް ކެތެޑްރަލް ގައެވެ.
ޕްރިންސެސް ޑަޔާނާއަށް ހަދިޔާއަކަށް ދިން އެ ކާރު އާސާރީ އެއްޗެހި ގަންނަ މީހަކު ވަނީ 52،640 ޕައުންޑަށް (72,800 އެމެރިކާ ޑޮލަރަށް) ވިއްކައިލައިފައެވެ. އެ މީހާ ފަހުން ވަނީ ދެކުނު އެމެރިކާގެ ދާރުލް އާސާރަކަށް އެ ކާރު ވިއްކައިލައިފައި ކަމަށާއި ޑަޔާނާގެ ކާރު އެ ޤައުމަށް ފޮނުވުމުގެ މަސައްކަތް މިހާރު ކުރަމުން އަންނަ ކަމަށް ވެސް ރިޕޯޓުތަކުން ބުނެފައިވެއެވެ.
ޑަޔާނާގެ ކާރު ދެކުނު އެމެރިކާއަށް ގެންދިޔަޔަސް އޭގެ އޮންނަ އިނގިރޭސިވިލާތުގެ ނަންބަރު ޕްލޭޓަށް ބަދަލެއް ނާންނަކަމަށް ރިޕޯޓުތަކުން ބުނެފައިވެއެވެ. އަދި ކާރުގެ ކުލައަށް ވެސް ބަދަލެއް ގެނެސްފައި ނުވާ ކަމަށް ވެސް ބުނެފައިވެއެވެ.
ތިކާރު ދުއްވަން ކިތަށް މީހުން އެގައުމަށް ފޮނުވަން ޖެހޭނެބާ؟ ޢެގައުމުގަ ނޫޅޭނެ ތި ކާރު ދުއްވަން އިގޭނެ މީހަކު.