ކޮވިޑް ބަލީގައި ތިނަދޫން މީހަކު ނިޔާވެއްޖެ

ކޮވިޑް-19އަށް ފައްސިވެ ފަރުވާ ހޯދަމުން ދިޔަ އުމުރުން ދުވަސްވީ ފިރިހެނެއް ގދ. ތިނަދޫ ކޮވިޑް ފެސިލިޓީގައި ނިޔާވެއްޖެއެވެ.

Ads by Sosun Fihaara

ތިނަދޫ އަބްދުއްސަމަދު މެމޯރިއަލް ހޮސްޕިޓަލުން މިއަދު ކުރި އިއުލާނެއްގައި ބުނެފައި ވަނީ ނިޔާވެފައި ވަނީ އުމުރުން 70 އަހަރުގެ ދިވެހި ފިރިހެނެއް ކަމަށާ އޭނާ ނިޔާވީ މިއަދު މެންދުރު 1:55ގައި ކަމަށެވެ.

މިއީ ތިނަދޫ ކޮވިޑް ފެސިލިޓީން މިހާތަނަށް ނިޔާވި ތިން ވަނަ މީހާއެވެ. އަދި ރާއްޖެއިން މި ބަލީގައި ނިޔާވި 213 ވަނަ މީހާއެވެ.

މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވަވައި ފާފަ ފުއްސަވައި ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މިހިތްދަތި ވަގުތުގައި ޢާއިލާއަށް ކެތްތެރިކަން ދެއްވާށިއެވެ. އާމީން!

إِنَّا لِلّهِ وَإِنَّـا إِلَيْهِ رَاجِعُون