ފުރިހަމަ ތަހުގީގަކަށް އިމްރާން އެކަހެރި ކުރަން ޖެހޭ: ބޮންޑޭ

ރައީސް ނަޝީދަށް އަމާޒުކޮށް މިދިޔަ މެއި މަހުގެ 6 ވަނަ ދުވަހު ދިން ޓެރަރިސްޓް ހަމަލާގެ ފުރިހަމަ ތަހްގީގެއް ހިންގަން ބޭނުން ނަމަ ހޯމް މިނިސްޓަރު އިމްރާން އަބްދުﷲ ވަގުތުން ވަގުތަށް ސަސްޕެންޑްކޮށް މަގާމުން އެކަހެރި ކުރަން ޖެހޭ ކަަމަށް ރައްޔިތުންގެ މަޖިލީހުގެ މާފަންނު މެދު ދާއިރާގެ މެންބަރު އިބްރާހިމް ރަޝީދު (ބޮންޑެ) ވިދާޅުވެއްޖެއެވެ.

އެމްޑީޕީގެ ގައުމީ މަޖިލީހުުގެ ޖަލްސާގައި ވާހަކަ ދައްކަމުން ބޮންޑެ ވިދާޅުވީ އެމައްސަލަައިގެ ތަހްގީގު ކުރުމަށް އެމްޑީޕީން އެކުލަވައިލައިފައިވާ "މެއި ހައެއް" ކޮމިޓީން، މިނިސްޓަރ އިމްރާން މަގާމުން އެކަހެރި ކުރުމަށް ސަރުކާރުގައި އެދެން ޖެހޭ ކަމަށާއި އިމްރާނަކީ އަބަދުވެސް ރައީސް ނަޝީދާ ވަރަށް ބޮޑު ޒާތީ ކަމެއް އޮތް ބޭފުޅެއް ކަމަށެވެ.

"ޒާތީ ގޮތުން ކުރީގައި ވެސް އެތައް ކަމެއް ކޮށްފައި ހުރި ބޭފުޅަކު ހޯމް މިނިސްޓަރުކަމުގައި ހުރެގެން ސާފު ތަހުގީގެއް ނުހިންގޭނެ. ނަތީޖާ ނެރެން އަޅުގަނޑުމެން ބޭނުން ވަނީ،" މިނިސްޓަރ އިމްރާނާ ބެހޭގޮތުން ބޮންޑެ ވިދާޅުވިއެވެ.

އިތުރަށް ވާހަކަ ދައްކަވަމުން ބޮންޑެ ވިދާޅުވީ އިމްރާންގެ އަރިހުގައި ހޯމް މިނިސްޓްރީގައި އަދާލަތުގެ ސްލޮޓެއްގައި ޑެޕިއުޓީ މިނިސްޓަރަކަށް ހުންނެވީ ކުރީން ހަރުކަށި ފިކުރުގައި އުޅެފައިވާ ބޭފުޅެއް ކަމަށާއި ރައީސް ނަޝީދަށް ދިން ހަމަލާގެ މައުލޫމާތު ހޯމް މިނިސްޓަރަށް އަދި ފުލުހުންގެ އިންޓެލިޖެންސަށް ކުރިން ވެސް ލިބިފައިވާނެކަމަށެވެ.

Ads by STELCO

މީގެ އިތުރުން ވެސް ބޮންޑެ ވަނީ އެމްއެންޑީއެފުން ވެސް ރައީސް ނަޝީދަށް އަރުވައިފައި ވަނީ ހައި ސެކިއުރިޓީއެއް ނޫން ކަމަށެެވެ. ރައީސް ނަޝީދަށް އަމާޒުކުރި ޓެރަރިސްޓް ހަމަލާގެ ފުނަށް ވާސިލްވުމަކީ ރާއްޖޭގެ ހުރިހާ ހަމަޖެހުމަކާ ގުޅިފައިވާ ކަމެއް ކަމަށާއި އެހެން ކަމުން އެއީ ވަރަށް އިހުލާސްތެރި ކަމާއެކު ކުރަން ޖެހޭ މަަސައްކަތެއް ކަމަށް ބޮންޑެ ވިދާޅުވިއެވެ.