މާރިޗް 15އާ ހަމައަށް ވެކްސިން ޖެހި މީހުން އެޕޮއިންޓްމަންޓް ހެއްދުމަށް އެދިއްޖެ

ކޮވިޑް-19އިން ރައްކާތެރިވުމަށް ރާއްޖޭގައި ވެކްސިން ޕްރޮގްރާމް ފެށުނު ދުވަހުން (ފެބްރުއަރީ 1ން) ފެށިގެން މިއަހަރުގެ މާރިޗް މަހުގެ 15 އާ ހަމައަށް ވެކްސިންގެ ފުރަތަމަ ޑޯޒް ޖެހި ފަރާތްތަކުން، ދެވަނަ ޑޯޒް ޖަހަން އެޕޮއިންޓްމަންޓް ހެދުމަށް އެދިއްޖެއެވެ.

Ads by Sosun Fihaara

އެޗްޕީއޭ އިން މިއަދު ބުނީ، ކޮވިޝީލްޑް ވެކްސިންގެ ދެވަނަ ޑޯޒް ޖެހުމަށް ޓޯކަން ދޫކުރަމުން ދަނީ ހަމައެކަނި އޮންލައިންކޮށް "ކިޔުބީ" އެޕްލިކޭޝަން މެދުވެރިކޮށް، ނުވަތަ އެޗްޕީއޭއިން އިސްވެ ފޯނު ކޯލުން އެޕޮއިންޓްމަންޓް ދޫކުރާ ފަރާތްތަކަށް ކަމަށެވެ. މި ނޫން ގޮތަކަށް އެއްވެސް ވެކްސިނޭޝަން ސެންޓަރެއްގައި މިވަގުތު ވެކްސިން ޖަހާ، ޓޯކަން އަދި އެޕޮއިންޓްމަންޓް ދޫކުރަމުން ނުދާނެ ކަމަށް ވެސް ބުނެފައިވެއެވެ.

ޓޯކަން ނަންބަރުތައް ދޫކުރަނީ ހެނދުނު 9:00 އިން މެންދުރު 12:00 އަށެވެ.އެގޮތުން ދޫކުރުމަށް ހަމަޖެހިފައިވާ ޓޯކަން ނަންބަރުތަކުގެ އަދަދަކީ:

▪︎ ސޯޝަލް ސެންޓަރުން 200 ޓޯކަން
▪︎ އިސްލާމީ މަރުކަޒުން 200 ޓޯކަން
▪︎ ހުޅުމާލޭ ވެކްސިނޭޝަން ސެންޓަރުން 120 ޓޯކަން
▪︎ ނޭޝަނަލް އާޓް ގެލެރީން 70 ޓޯކަން

ޓޯކަން ނަންބަރު ނެގުމަށް ފަހު ، ކިޔުގެ ސްޓޭޓަސް ވެސް އެ އެޕްލިކޭޝަން ފެންނާނެ ކަމަށާއި ވެކްސިން ދޭ ސެންްޓަރުތަކަށް ވެކްސިން ޖަހަން ނޫން ގޮތަކަށް ދާން ނުޖެހޭނެ ކަމަށް ވެސް ބުނެފައިވެއެވެ.