ލާމު އަތޮޅުގައި މި ވަގުތު ބައްޔަށް ފައްސިވެފައި ތިބީ 51 މީހުން
ލާމު އަތޮޅުގައި މިވަގުތު ކޮވިޑް19 ބަލި ތަހަންމަލް ކުރަމުންދާ މީހުންގެ ޖުމްލަަ އަދަދަކީ 51 ކަމަށް ގަމު ރީޖަނަލް ހޮސްޕިޓަލު(ޖީއާރްއެޗް)އިން މިއަދު އާއްމު ކުރި ތަފާސް ހިސާބުތަކުން ދައްކައިފިއެވެ.
ގަމު ރީޖަނަލް ހޮސްޕިޓަލުން މިއަދު އާއްމުކޮށްފައިވާ ކޮވިޑް 19ގެ ނަންބަރުތަކަށް ބަލައިލާއިރު މިއަދު ލާމު އަތޮޅުން އަލަށް ކޮވިޑް19އަށް ފައްސިވެފައި ވަނީ އެންމެ މީހެކެވެ. އެއީ ގަމުން ފައްސި ވީ މީހެކެވެ. ގަމުން މިހާތަނަށް ކޮވިޑް19 އަށް ފައްސިވެފަައި ވަނީ 345 މީހެކެވެ. މީގެ ތެރެއިންް 329 މީހަކު ވަނީ ބަލިން ރަނގަޅުވެފައެވެ. އަދި މިވަގުުތު އެރަށުގައި 13 ހަރަކާތްތެރި ވޭދަނަ އެބައޮތެވެ.
ޖީއާރްއެޗްގެ ކޮވިޑް އަދާހަމަތަކަށް ބަލާލައިރު މުޅި ލާމު އަތޮޅުން މިހާތަނަށް 10428 ކޮވިޑް ސުންކެއް ވަނީ ނަގައިފައެވެ. މީގެ ތެރެއިން އެންމެ ގިނަ ސުންކު ނަގައިފައި ވަނީ އެ އަތޮޅު ގަމުންނެވެ. އެއީ 4051 ސުންކެވެ. އަދި އެންމެ މަދު ސުންކު ނަގައިފައި ވަނީ އެ އަތޮޅު ކުނަހަންދޫންނެވެ. އެއީ 53 ސުންކެވެ. ކުނަހަންދޫއިން ކޮވިޑް 19އަށް ފައްސި ވީ ވެސް އެންމެ 2 މީހުންނެވެ.
ލާމުއަތޮޅުން މިހާތަނަށް ކޮވިޑް-19 ޖެހިގެން 8 މީހަކު ވަނީ ނިޔާވެފައެވެ. އެއީ ގަމުން ނިޔާވި 3 މީހަކާއި މާވަށުން ނިޔާވި ދެމީހުންނާއި މާންދޫއިން ނިޔާވި މީހަކާއި ކަލައިދޫއިން ނިޔާވި މީހެއްގެ އިތުރުން ހިތަދޫއިން ނިޔާވި މީހެކެވެ.
