މާލެއިން ފައްސިވީ 26 މީހުންނާ އެކު މިއަދު ފައްސިވީ 139 މީހުން

ރާއްޖެއިން މިއަދު އިތުރު 139 މީހުން ކޮވިޑް-19އަށް ފައްސި ވެއްޖެއެވެ.

Ads by MWSC

ހެލްތު ޕްރޮޓެކްޝަން އޭޖެންސީ (އެޗްޕީއޭ)ގެ ތަފާސް ހިސާބުތަކުން ދައްކާ ގޮތުގައި މިއަދު މާލެއިން ފައްސިވީ 26 މީހުންނެވެ. އަތޮޅުތެރެއިން މި ބައްޔަށް ފައްސިވީ 81 މީހުންނެވެ. އަދި ހިންގަމުން އަންނަ ރިސޯޓުތަކުން ފައްސިވީ އިތުރު 8 މީހަކާއި އިންޑަސްޓްރިއަލް ރަށްރަށުން 22 މީހަކާއި ކަނޑު އުޅަނދު ފަހަރުން ދެ މީހެކެވެ.

މިހާރު ރާއްޖެއިން ކޮވިޑް-19އަށް މުޅިއަކު ފައްސިވެފައި ވަނީ 74،724 މީހުންނެވެ. މީގެ ތެރެއިން 2,932 މީހުން އަދިވެސް ބަލިން ރަނގަޅު ނުވެ ހަރަކާތްތެރި ވޭދަނައިގެ ގޮތުގައި ރިކޯޑް ކުރެވިފައިވެއެވެ.

ބަލިން ފަސޭހަވެފައި ވަނީ 71،567 މީހުންނެވެ. އަދި މި ބަލީގައި ރާއްޖެއިން މިހާތަނަށް 213 މީހުން ނިޔާވެފައިވެއެވެ.