ރަށްފަޅުހުރާއިން މިއަދު 30 މީހުން ފައްސިވި

ކ. ރަށްފަޅު ހުރާއިން މިއަދު އިތުރު 30 މީހަކު ކޮވިޑް-19އަށް ފައްސި ވެއްޖެއެވެ.

Ads by Sosun Fihaara

ރިސޯޓެއްގެ ގޮތުގައި ތަރައްގީ ކުރަމުންދާ ރަށްފަޅު ހުރާ، ހިއްކައިގެން ތަރައްގީ ކުރަމުންދަނީ ދުނިޔޭގެ އެންމެ މަތީ ފަންތީގެ ރިސޯޓު ބްރޭންޑް ކަމަށްވާ "ދަ ރިޓްޒް ކާލްޓަން" އިންނެވެ.

ރަށްފަޅުހުރާ ހިއްކައިގެން ހަތަރު ރަށެއް ވަނީ ތަރައްޤީ ކޮށްފައެވެ. އެނގިފައިވާ ގޮތުގައި އެ ރަށްރަށުގައި 2،000 އަށްވުރެ ގިނަ މުވައްޒަފުން މަސައްކަތް ކުރެއެވެ.

ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން ބުނީ ރަށްފަޅު ހުރާއިން ކޮވިޑަށް ފައްސިވީ މީހުންގެ ޖުމްލަ އަަދަދު 216 އަށް އަރައިފައިއިވާ ކަމަށެވެ. އަދި މިއަދު ވެސް އެ ރަށުން ބަޔަކު ފައްސިވެފައިވާ ކަމަށާއި، ރިސޯޓުތަކުން 170 މީހަކު ފައްސިވެފައިވާއިރު، އޭގެ ތެރެއިން 30 މީހުން ފައްސި ވެފައި ވަނީ އެ ރަށުން ކަމަށް އެޗްޕީއޭއިން ބުނެއެވެ.