އެމްޑީޕީގެ ވަކި ފަރުދަކު ނިންމާ ނިންމުމަކީ ޕާޓީގެ ނިންމުމެއް ނޫން: އެމްޕީ އަހުމަދު
އެމްޑީޕީގެ ވަކި ފަރުދަކު ނިންމާ ނިންމުމަކީ އެއީ އެފަރުދެއްގެ ވިސްނުމާއި ގަބޫލުކުރާ ގޮތް ކަމަށާއި އެއީ އެމްޑީޕީގެ ނިންމުން ނޫން ކަމުގައި ރައްޔިތުންގެ މަޖިލީހުގެ ބާރަށު ދާއިރާގެ މެމްބަރު އަހުމަދު އަބްދުﷲ ވިދާޅުވެއްޖެއެވެ.
ސަންގު ޓީީވީގެ "ޚަބަރަށް ފަހު" ފްރޮގްރާމްގައި އެމްޑީޕީން ޕީޕީއެމާ އެކު ކޯލިޝަން ހަދައިފާނެތޯ ކުރި ސުވާލަކަށް ޖަވާބު ދެއްވަމުން އަހުމަދު ވިދާޅުވީ އެމްޑީޕީން ކަންކަން ނިންމާނީ ޕާޓީގެ އަގުލަބިއްޔަތުގެ މައްޗައްކަމަށާއި ޕީޕީއެމާ އެކު ކޯލިޝަން ހަދާނީތޯ ކުރެވޭ ސުވާލަށް ޖަވާބު ދިނުމަކީ ފަސޭހަަކަމެއް ނޫންކަމަށެވެ.
"ޕާޓީން ކަންކަން ނިންމަނީ ވެސް ޕާޓީގެ އަގުލަބިއްޔަތު އެކަންކަމަކަށް ބުރަވާ ކަންކަން އަބަދުވެސް ސިޔާސީ ގޮތުން ވެސް އެހެނިހެން ގޮތްގޮތުން ވެސް ކުރަމުން މިދަނީ. އެހެންވީމަ ދެންމެ ތި ވިދާޅުވި ކަންތައް ޕީޕީއެމާ އެކު މަސައްކަތް ކުރާނީތޯ ނުވަތަ ނޫންތޯ އަޅުގަނޑަށް މިހެން އިނދެ ބުނެވޭނެ އެއްޗެއް ނޫން އަދި އަޅުގަނޑުމެން އެއްވެސް މީހަކަށް އެހެން ބުނެލެވޭ ވަރަށްވުރެ ފުޅާ ދާއިރާއެއްގައި އެ ބަހުސް ހިނގަން ޖެހޭކަމެއް." އަހުމަދު ވިދާޅުވިއެވެ.
އިތުރަށް ވާހަކަ ދައްކަވަމުން އޭނާ ވިދާޅުވީ އެމްޑީޕީގެ ތެރޭގައި ކަންކަން ނިންމުމަށް އެކި ގުނަންތައް ހުރި ކަމަށާއި ކޮންމެ ބައެއްގެ ވެސް މަސްއޫލިއްޔަތުތަކާއި ޒިންމާތަކެއ ލިޔެވިފައިވާނެ ކަމަށެވެ. އެހެންކަމުން ލިޔެވިފައިވާ އުސޫލުތަކުގެ ތެރެއިން ނިންމާ ނިންމުންތަކަކީ އެމްޑީޕީގެ ނިންމުން ކަމަށް އޭނާ ވިދާޅުވިއެވެ. އަދި ހަމައެހެންމެ ޕާޓީގެ ވަކި ފަރުދަކު ނިންމާ ނިންމުމަކީ އެއީ އެފަރުދެއްގެ ވިސްނުންކަމަށާއި ގަބޫލުކުރާ ގޮތް ކަމަށާއި އެއީ ޕާޓީގެ ނިންމުންނޫން ކަމުގައި ވެސް އަހުމަދު ވިދާޅުވިއެވެ.
"އަޅުގަނޑުމެން މަސައްކަތްކުރަން ވާނީ އެއީ އެމްޑީޕީގެ (ނިންމުމެއް ނަމަ) އެއްގޮތަށް އަޅުގަނޑުމެން ކުރިއަށްދާން އެކަމަކު އެމްޑީޕީގެ ވަކި ފަރުދަކު އަޅުގަނޑުވިޔަސް އަދި އެހެން މީހަކުވިޔަސް ނިންމާ ނިންމުމަކީ އެއީ އަޅުގަނޑު ގަބޫލު ކުރަނީ އެއީ އެފަރުދެއްގެ ވިސްނުން ގަބޫލުކުރާގޮތް އެއީ ޕާޓީގެ ނިންމުން ކަމުގައި ގަބޫލު ކުރުމުގެ ފުރުސަތެއް އަޅުގަނޑަކަށް ހީއެއް ނުވޭ އޮތްހެނެއް" އަހުމަދު ވިދާޅުވިއެވެ.
އެމްޑީޕީގެ އެތެރޭގެ ކޯޅުންގަނޑު ބޮޑުވެ ރައީސް އިބްރާހިމް މުޙައްމަދު ޞާލިހާ އެކު ސިޔާސީ ގޮތުން ދެން ހުރެވެން ނެތް ކަމަށް ވިދާޅުވެ ޕީޕީއެމްއާ އެކުގައި މަސައްކަތް ކުރަން ތައްޔާރުކަމަށް އެމްޑީޕީގެ ލީޑަރު މުޙައްމަދު ނަޝީދު ވަނީ ވިދާޅުވެފައެވެ. މިއާ އެކު އެޕާޓީގެ ޗެއަރ ޕާސަން ވެސް ވަނީ އެމްޑީޕީއާއި ޕީޕީއެމް ކޯލިޝަނެއް ހެދުމަށް ތާއީދު ކުރައްވާ މޭރުމަކުން ވާހަކަ ދައްކަވައިފައެވެ.
މީ ކޮން ސޭކެއް ކާކު ބުނޭ ވަރުން ވަަހަކަ ދެއްކުމަށް