އަނެއްކާ ވެސް ފައްސި އަދަދުތައް މަތި ވަނީ، މިއަދު 114 މީހުން

ރާއްޖެއިން މިއަދު އިތުރު 114 މީހުން ކޮވިޑް-19އަށް ފައްސި ވެއްޖެއެވެ.

Ads by MWSC

ހެލްތު ޕްރޮޓެކްޝަން އޭޖެންސީ (އެޗްޕީއޭ) ގެ ތަފާސް ހިސާބުތަކުން ދައްކާ ގޮތުގައި މިއަދު މާލެއިން ފައްސިވީ 18 މީހުންނެވެ. އަދި އަތޮޅުތެރެއިން މި ބައްޔަށް 82 މީހުން ފައްސިވެފައިވެއެވެ.

ހިންގަމުން އަންނަ ރިސޯޓުތަކުން މިއަދު ފައްސިވެފައި ވަނީ 9 މީހުންނެވެ. އަދި ތަރައްގީ ކުރަމުން އަންނަ ރަށްރަށުން 5 މީހަކު މިއަދު މި ބައްޔަށް ފައްސިވެފައިވެއެވެ.

މިހާރު ރާއްޖެއިން ކޮވިޑް-19އަށް މުޅިއަކު ފައްސިވެފައި ވަނީ 75،736 މީހުންނެވެ.

ބަލިން ފަސޭހަވެފައި ވަނީ 72،930 މީހުންނެވެ. ރާއްޖެއިން ކޮވިޑް-19 އަށް ހޮސްޕިޓަލުތަކުގައި މިވަގުތު ފަރުވާ ދެމުންދަނީ 11 މީހުންނަށެވެ. އަދި މި ބަލީގައި ރާއްޖެއިން މިހާތަނަށް 216 މީހުން ނިޔާވެފައި ވެއެވެ.