އެޗްޕީއޭގެ ޢީދު ތަހުނިޔާ: އިތުރު ރާޅެއް އައުމުގެ ފުރުސަތު ކުޑަ ކުރުމަށް ރައްކާތެރި ކަމުގެ ފިޔަވަޅުތަކަށް ސަމާލުވޭ!
ގިނަ ދުވަސްތަކަކަށް ފަހު ޢާއިލާތަކާ އެކު ޢީދު ފާހަގަ ކުރުމުގެ ނަސީބު އަހަރެމެންނަށް މިވަނީ ލިބިފައެވެ. މި ދުވަހާ ހަމައަށް އަހަރެމެންނަށް އާދެވިފައި މިވަނީ ބުރަ މަސައްކަތްތަކުގެ ސަބަބުންނެވެ.. އެތަކެއް ދުވަހެއްގެ ޤުރުބާނީގެ ސަބަބުންނެވެ. މިފަދަ ދުވަހެއްގައި ހެލްތު ޕްރޮޓެކްޝަން އެޖެންސީން ދިނީ މުހިންމު މެސެޖެކެވެ.
ޢީދުގެ ތަހުނިޔާ ކިޔަމުން އެޗްޕީއޭއިން އަހަރެމެންނަށް ހަދާންކޮށްދިނީ ފިޔަވަޅުތަކުގެ މަތިންނެވެ. ހަތަރު ވަނަ ރާޅެއް ރާއްޖެއަށް އައިސްފާނެ ކަމުގެ އިންޒާރެވެ. މިކަންވުމުގެ ފުރުސަތު ކުޑަ ކުރުމަށް ރައްކާތެރި ކަމުގެ ފިޔަވަޅުތައް ސަމާލުވުން މުހިންމެވެ.
އެޗްޕީއޭއިން ކުރި ޓްވީޓެއްގައި ، އެއްރަށުން އަނެއް ރަށަށް ޢީދުގައި ދަތުރު ކުރާ ފަރާތްތައް ސަމާލުކަންދޭންވީ ކަންތައްވަނީ ހަނދާންކޮށްދީފައެވެ. މިގޮތުން މިއަދު ކުރި ޓްވީޓެއްގައި ވިދާޅުވީ، ދަތުރު ކުރާއިރު އެކުގައި ދިރިއުޅޭ މީހުން ފިޔަވައި ދެން ތިބި މީހުންނާ 3 ފޫޓުގެ ދުރުމިނެއް ބެހެއްޓުން މުހިންމު ކަމަށެވެ،
މީގެ އިތުރުން ޢީދު ކެއުން ބާއްވާ ނަމަ ހަމައެކަނި ތިމާ ދިރިއުޅޭ ގޭ މީހުންނާ އެކީ ކެއުން ބޭއްވުމަށް އިރުޝާދު ދެއެވެ. އަދި ގިނަ މީހުން އެއްވެގެން ބާއްވާ އީދު ހަރަކާތްތަކާއި އެއްރަށުން އަނެއް ރަށަށް މީހުން ގޮސްގެން ބާއްވާ ހަރަކާތްތަކާއި މުބާރާތްތައް ނުބޭއްވުމަށް އެޗްޕީއޭއިން އިރުޝާދުދެއެވެ.
ރާއްޖެ ކޮވިޑް-19 ތިން ވަނަ ރާޅުން އަރައިގަނެވުނީ އެތަކެއް ފުރާނައެއް ދުނިޔެއާ ވަކިވެގެންނެވެ. އެތަކެއް އާއިލާއެއް ބިކަކޮށްފައެވެ. މިހެންކަމުން ހަތަރުވަނަ ރާޅެއް އެރުމުގެ ފުރުސަތު ވީހާވެސް ކުޑަކޮށް، މާސްކު އެޅުމާއި ގައިދުރުކަން ބެހެއްޓުމަށް ވަރަށް ބޮޑަށް ސަމާލުކަން ދޭންވާނެއެވެ.
Ads by STO
