ވެކްސިން ނުޖަހާ މީހުން ކަރަންޓީނުން ދޫކޮށްލަން ނަގާ ސުންކަށް ފައިސާ ދައްކަން ޖެހޭ ގޮތަށް ހަދައިފި
ކޮވިޑް-19އިން ދިފާއުވުމަށް ރާއްޖޭގައި ޖަހަމުން އަންނަ ވެކްސިންގެ ޑޯޒްތައް ފުރިހަމަ ނުކުރާ ފަރާތްތައް ރަށްރަށަށް ދަތުރު ކުރުމަށް ފަހު ކަރަންޓީންގެ މުއްދަތު ހަމަވުމުން ނަގާ ސުންކަށް ފައިސާ ދައްކަން ޖެހޭ ގޮތަށް ހަދައިފިއެވެ.
ހެލްތު އެމަޖެންސީ އޮޕަރޭޝަން ސެންޓަރު، އެޗްއީއޯސީން މިއަދު ބޭއްވި ނޫސްވެރިންގެ ބައްދަލުވުމުގައި އެ އެޖެންސީގެ ތަރުޖަމާން ޑރ. ނަޒްލާ ރަފީޤް ވިދާޅުވީ، ވެކްސިން ޖެހޭ އުމުރުފުރައިގެ މީހުންގެ ތެރެއިން ވެކްސިން ނުޖަހާ ފަރާތްތައް ކަރަންޓީންވާން ޖެހޭ ހާލަތްތަކުގައި، ކަރަންޓީނުން ވީއްލަން ނަގާ ސުންކުތައް ނެގުމަށް ފައިސާ ދައްކަން ޖެހޭ ގޮތަށް ކަނޑައަޅައިފައިވާ ކަމަށެވެ.
މި ގޮތަށް އަމަލު ކުރަން ފަށާނީ ސެޕްޓެމްބަރު 1 ވަނަ ދުވަހުން ފެށިގެން ކަމަށް ނަޒްލާ ވިދާޅުވިއެވެ.
ކޮމެންޓް