މާލޭގެ ގެއެއްގައި އަލިފާން ރޯވެއްޖެ

މާލެގެ ގެއެއްގައި އަލިފާން ރޯވެގެން އެމްއެންޑީއެފްއިން ހަރަކާތްތެރިވާން ފަށައިފިއެވެ.

އެމްއެންޑީއެފުން ވިދާޅުވީ މައްޗަންގޯޅި އަމްޓޭޝަން ގެއިން ދުން އަރާކަމުގެ މަޢުލޫމާތު ލިބިގެން އެމްއެންޑީއެފްއިން ހަރަކާތްތެރިވަމުންދާ ކަމަށާއި މި ހާދިސާގެ ރިޕޯޓު ލިބިފައިވަނީ މިރޭ 19:45ގައި ކަމަށެވެ.

އެ ގޭގައި ރޯވި އަލިފާންގަނޑު 20:04ހާއިރު ނިއްވައިލެވިފައިވާ ކަމަށް ވެސް އެމްއެންޑީއެފުން ވިދާޅުވިއެވެ.

<img class="alignnone wp-image-107901 size-full" src="https://cdn.dhen.mv/wp-content/uploads/2021/08/B0E36301-98D9-4EE1-BC6E-8B636C25025C.jpeg" alt="" width="1125" height="747" />

އެމްއެންޑީއެފުން އިތުރަށް ވިދާޅުވީ އެ ހާދިސާ ހިނގާފައި ވަނީ އެ ގޭގެ ކޮޓަރިއެއްގައި ކަމަށާއި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާކަމަށެވެ.