ވަކިވެގެންދާ ކޮންމެ މެމްބަރަކަށް އިތުރު މެމްބަރަކު ހޯދުމުގެ ޤާބިލުކަން އެބަހުރި: އަލީ ސާލިހް
ޖުމްހޫރީ ޕާޓީއިން ވަކިވެގެންދާ ކޮންމެ މެމްބަރަކަށް އިތުރު މެމްބަރަކު ހޯދުމުގެ ޤާބިލުކަން އެބަހުރިކަމަށް ޕާޓީގެ ސްޕޯކްސްޕަރސަން ޢަލީ ޞާލިޙް ވިދާޅުވެއްޖެެއެވެ.
ރާއްޖެ ޓީވީގެ ފަލަ ސުރުޚީ ޕްރޮގްރާމްގައި ވާހަކަދައްކަވަމުން ޢަލީ ޞާލިޙް ވިދާޅުވީ ޖުމްހޫރީ ޕާޓީ އޮންނާނީ ރާއްޖޭގެ 3ވަނައަށް އެންމެ ބޮޑު ސިިޔާސީ ޕާޓީގެ ގޮތުގައި ކަމަށެވެ. އަދި ޕާޓީއިން ވަކިވެގެންދާ ކޮންމެ މެމްބަރަަކަށް މެމްބަރަކު ހޯދުމުގެ ޤާބިލުކަން އެބަހުރި ކަމަށެވެ.
“ދާ ކޮންމެ މެމްބަރަަކަށް މެމްބަރަކު ހޯދުމުގެ ޤާބިލުކަން އެބަހުރި. މި ޕާޓީ އޮންނާނީ ރާއްޖޭގެ 3ވަނައަށް އެންމެ ބޮޑު ސިިޔާސީ ޕާޓީގެ ގޮތުގައި” އަލީ ވިދާޅުވިއެވެ.
އިތުރަށް ވާހަކަ ދައްކަވަމުން އަލީ ވިދާޅުވީ އެކި ގޮތްގޮތުން އެ ޕާޓީއަށް އުނދަގޫތަކާ ކުރިމަތިލާން ޖެހުނު ނަމަވެސް ކުރާ މަސައްކަތް ނުހުއްޓުވޭނެ ކަމަށެވެ. އަލީ ވަނީ ލީޑަރ ޤާސިމްގެ ދީލަތިކަން ވެސް ފާހަގަކުރައްވައިފައެވެ. އަދި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙަކީ ކޯލިޝަން ހިންގުމުގެ ޗެމްޕިއަންގެ ގޮތުގައި ވެސް އަލީ ވަނީ ސިފަކުރައްވައިފައެވެ.
ކޮންމެ ކޮންމެ ސޯލިހަކަށް ވާނެކަމެއްނޫން ތީކީ.
ތީ ފެންފޯއް ސޯލިހެއްނުން.