ހައްދު ފަހަނައަޅައިފައިވާ ވިސްނުމުން ރާއްޖެ ސަލާމަތްވީ ސިޔާސީ ޕާޓީތައް ބާރުވެރި ކުރުވުމުން: ރައީސް ނަޝީދު
ހައްދު ފަހަނަ އަޅައިފައިވާ ވިސްނުމަށް ރާއްޖެ މިސްރާބު ޖެހި ކަމަށާއި އެ ވިސްނުމުން ރާއްޖެ ދުރުކޮށްދިނީ ރާއްޖޭގައި ސިޔާސީ ޕާޓީތައް އުފެއްދި، އެ ޕާޓީތައް ބާރުވެރި ކުރުވުމުން ކަމަށް، މަޖިލީހުގެ ރައީސް މުޙައްމަދު ނަޝީދު ވިދާޅުވެއްޖެއެވެ.
އަފްގާނިސްތާނުގެ މިހާރުގެ ހާލަތާ ގުޅޭ ގޮތުން އިންޑިއާގެ ޓީވީއަކަށް ދެއްވި އިންޓަރވިއުއެއްގައި ރައީސް ނަޝީދު ވިދާޅުވީ، އަފްގާނިސްތާނު މިއަދުގެ ހާލަަތަށް ގޮސްފައި ވަނީ އެތަން އާރާސްތުކޮށް ތަރައްޤީ ކުރުމުގައި ވިސްނުން ގެންގުޅުނު ގޮތުން ކަމަށެވެ. މިގޮތުން ވިދާޅުވީ، އަފްގާނިސްތާނުގައި ސިޔާސީ ޕާޓީތައް ބާރުވެރިކޮށް، އެކި ވިސްނުމުގެ ޕާޓީތަކަށް ޖާގަދެވިގެން ދިޔަ ނަމަ މިއަދުގެ ހާލަތު އައުން ދުރު ކަމަށެވެ. އަދި ވިދާޅުވީ ރާއްޖެ ރެޑިކަލް ވިސްނުމަށް ގޮސްފައި ވަނިކޮށް އެ ވިސްނުން ބަދަލުވެގެން ދިޔައީ، ސިޔާސީ ޕާޓީތަކާއި ޤާނޫން އަސާސީއަށް ގެނައި ބަދަލުތަކުގެ ސަބަބުން ކަމަށެވެ.
ނަޝީދުގެ ވާހަކަފުޅުގައި ވިދާޅުވީ، ރާއްޖޭގެ ގިނަ މީހުންގެ ވިސްނުމަކީ ޕްރޮގްރަސިވް، މެދުމިނުގެ ވިސްނުން ކަމަށާއި އަފްގާނިސްތާނުގެ ގިނަ މީހުންނަކީ އެ ވިސްނުމުގެ މީހުން ކަމަށެވެ. އެހެން ނަމަވެސް އަފްގާނިސްތާނުގައި އެ ވިސްނުމުގެ މީހުންނަށް ބާރުވެރިކަން ނައީ ސިޔާސީ ޕާޓީތައް ބާރުވެރި ނުވުމުން ކަމަށް ނަޝީދު ވިދާޅުވިއެވެ. އަދި ވިދާޅުވީ، ރާއްޖެއަކީ ލިބަރަލް އިސްލާމީ ޤައުމެއް ތަރައްޤީ ކުރެވޭނެ ކަމުގެ ފުރިހަމަ ނަމޫނާއެއް ކަމަށެވެ.
ތާލިބާނުން އަފްގާނިސްތާނުގެ ވެރިކަމާ ހަވާލުވުމާ ގުޅިގެން ރައީސް ނަޝީދު ވިދާޅުވީ، އެގޮތަށް އެކަން ވެގެން ގޮސްފި ނަމަ އެ ހުޅުވިގެންދަނީ ހައްދުފަހަނަ އަޅައިފައިވާ ނިރުބަވެރި ޖަމާއަތްތަކަށް ދޮރެއް ކަމަށާއި އެއީ އެމީހުންނަށް ސޭފް ހެވަންއަކަށް ވެގެންދާނެ ކަމަށެވެ.
"ސައުތު އޭޝިއާގެ ހައްދުފަހަނަ އަޅައިފައިވާ ޖަމާއަތްތަކުން އަފްގާނިސްތާނުގައި މިހާރު އަންނަ ތާލިބާނުންގެ ބާރުވެރި ކަމަށް އާނބާސް ދޭނެ. ތާލިބާނުންގެ ސަރުކާރެއް އަފްގާނިސްތާނުގައި ޤާއިމްވެގެން ދިއުމަކީ ހައްދުފަހަނަ އަޅައިފައިވާ ޖަމާޢަތްކަށް ލިބިގެންދާނެ ސޭފް ހެވަންއެއް. އަފްގާނިސްތާނުގައި ތިބެ، ހައްދުފަހަނަ އަޅައިފައިވާ ޖަމާއަތްތަކުގެ މީހުންނަށް، އެފަދަ ކަންކަން ޕްލޭންކޮށް، ޓްރެއިންވެ، ސައުތު އޭޝިއާގެ ޤައުމުތަކަށް ހަމަލާތައް ދިނުމުގެ މަގު ފަހިވެގެންދާނެ." ރައީސް ނަޝީދު ވިދާޅުވީ ރާއްޖެ، ޝްރީލަންކާ، އިންޑިއާ، ބަނގްލަދޭޝް، ޕާކިސްތާން ފަދަ ޤައުމުތަކަށް ތާލިބާނުން ދައުލަތެއް ޤާއިމްކޮށްފި ނަމަ އެކަމުގެ ނުރައްކާ ވަރަށް ބޮޑުވެގެންދާނެ ކަމަށެވެ.
ނަޝީދުގެ ވާހަކަފުޅުގައި ވިދާޅުވީ، ދުނިޔޭގެ ޤައުމު ތަކުން ތާލިބާނުންނާ އެކު މަސައްކަތް ކުރުމަކީ އެންމެ ރަނގަޅު ގޮތް ކަަމަށް ޤަބޫލުފުޅު ނުކުރައްވާ ކަމަށެވެ. އަދި އަފްގާނިސްތާނުގެ ސަރުކާރުގައި ތާލިބާނުން ބައިވެރި ކުރުން ގޯސް ނޫން ކަމަށާއި އެހެން ނަމަވެސް ސަރުކާރެއް އެކުލަވާލާ ނަމަ އެކަން ކުރަންވާނީ އިންތިޚާބެއްގެ ތެރެއިން ކަމަށެވެ. އަދި އިންޑިއާއިން އަފްގާނިސްތާނުގައި އެމީހުންގެ ބާރުވެރިކަން ގަދަ ކުރަން ޖެހޭ ކަމަށް ރައީސް ނަޝީދު ވިދާޅުވިއެވެ. ރައީސް ނަޝީދު ވިދާޅުވީ އިންޑިއާއިން ސީދާ އަފްގާނިސްތާނަށް ގޮސް ހަނގުރާމަ ނުކުރި ކަމުގައިވީ ނަމަވެސް އަފްގާނިސްތާނުގައި އިންޑިއާގެ ބާރުވެރިކަން ގަދަ ކުރެވޭނެ ކަމަށެވެ. އެހެން ނަމަވެސް އެއީ ކިހިނެތްކަމެއް ވިދާޅެއް ނުވެއެވެ. ރައީސް ނަޝީދު ވިދާޅުވީ، ކޮންމެހެން ޖެހިއްޖެ ހާލަތެއްގައި އިންޑިއާގެ ސިފައިން ވެސް އަފްގާނިސްތާނަށް ފޮނުވަން ޖެހޭ ކަމަށެވެ.
ބަޔެއް ސިޔާސީ ޕާޓީ ތަކުގެ ހަރަކާތް ހުރީ ހައްދު ފަހަނަޅާފައި ފަނާކުރާ ފިކުރުގެ މީހުންވެސް ތިބޭ ، ބޯ މީހުންވެސް ތިބޭ !
ތިއީ ބުހުތާނު ދޮގު.
އަޅުގަނޑުގެ ހަނދާނުގައި ރައީސް މައުމޫންގެ ވެރިކަމުގަ އެއް ހަމަލާ ޓޫރިސްޓުންނަށް ދީފައިވޭ. ޢޭގެ ފަހުން ތި ސިޔާސީ ޕާޓީތައް އުފެދުނީ. ޢޭގެ ފަހުން ދެއްތޮ އައި.އެސް ގެ ދިދަ ހިފައިގެން ބަޔަކު މާލޭގެ މަގުތަކުގައި ހިނގީ. ޢަދި ޢޭގެ ފަހުން ދެއްތޮ ފާޑުފާޑުގެ ދީނީ ހަރުކަށި އިންޒާރުތައް ސޯސަލް މީޑިޔާގަ ދިނީ. އަދި އޭގެވެސް ފަހުން ދެއްތޮ މަނިކިފާނަށްވެސް އަމާޒުކޮށް ބަޔަކު ކަމެއް އެކުރީ.
މަނިކުފާނު ތިހުންނެވީ ހަމަހޭގަތޯ …. ތިގޮތަށް އިތުރުފުޅު ނުހެއްދެވުން އާދޭހާއެކު ދަންނަވަން .
ސިޔާސީ ޕާޓީތަކިގެ ސަރުކާރުން ބޮޑެތި ލޯނު ތަށް ނަގަމުން ގޮސް ދައުލަތް މިވަނީ ދަރަނިވެރި ކުރުވާފައި ބަގުރޫޓު ކޮށްފައި، ސިޔާސީ ޕާޓީ ތަކުގެ ސަބަބުން ޤައުމު ބައިބައި ވުން ފިޔަވާ އިތުރުކަމެއް ނުވޭ ތަފާތު ލާދީނީ ފިކުރު އުފަންވީ!
މިކަހަލަ ގޮތެއްގައި ނުހިފެހެއްޓޭ ހައްދުފަހަނައެޅި މީހަކު އައުމުން ދިވެހިރާއްޖެ ހަލާކުވަމުން މިދަނީ.
ނަސިިދު ތިބުނަާ ފިކުރު އޮތީތީ މިގައުމުން ފައިބައްތިޖެހުނިީ.އަމިއްލަ މިީހާ މި ތަނައް ހަރުކަށި ފިކުރު ޑމޮކްރަސީ ގެނައީ.އަމިއްލަ އަށް ފޭހި އިލޮށި އަމިއްލަ ލޮލައް ތިހެރުނީ.މިހަަރު ފަރައްގީން ގެ އަވައިގެ ޑިމޮކްރަސީގެ ފިލާވަޅު ތިހިރީ އެ ފަރައްޖީން ފައްޑުކޮށް މިތަނުއް އަބަދައް ފައްސައިލައިފަ.ކުރިއެކެޭ އެއްގޮތައް އަރުވާ ލެވިފަހުރުން ރައްކާތެރި.ފަރައްޖީން ތިބީ ބަލަބަލަ؟