އައިޖީއެމްއެޗަށް ދެއްކި މީހެއްގެ ކަންފަތުން ކުރަތްޕެއް ނަގައިފި
އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް)އިން މީހެއްގެ ކަންފަތުން ކުރަތްޕެއް ނަގައިފިއެވެ.
Ads by Hajj Corporation
އެ ހޮސްޕިޓަލުގެ މީޑިއާ އޮފިޝަލަކު ބައެއް ނޫސްތަކަށް މައުލޫމާތު ދެއްވަމުން ވިދާޅުވީ، އެފަދަ ކަމެއް މިއަދު އެ ހޮސްޕިޓަލުގައި ހިނގައިފައިވާ ކަމަށެވެ.
އޮފިޝަލު ވިދާޅުވީ، އަންހެނެއްގެ ކަންފަތަށް އެއްޗެއް ވަދެގެން ޑޮކްޓަރަށް ދެއްކި ކަމަށާއި އޭނާގެ ކަންފަތުން ފަހުން ކުރަތްޕެއް ނެގި ކަމަށެވެ.
ކަންފަތުން ކުރަތްޕެއް ނެގި އަންހެން މީހާގެ ހާލު ރަނގަޅު ކަމަށް އެ ހޮސްޕިޓަލުން ބުނެފައިވެއެވެ.
އަންހެން މީހާގެ ކަންފަތުން ނެގި ކުރަފީގެ ބައިތައް އައިޖީއެމްއެޗްގެ އޮފިޝަލަކު ވަނީ މީސް މީޑިއާގައި ހިއްސާ ކޮށްފައެވެ.
Ads by Allied Insurance
