ރައީސް ޔާމީންގެ ޝަރީއަތެއް މާދަމާ

އިދިކޮޅު ލީޑަރު، ކުރީގެ ރައީސް އަބްދުﷲ ޔާމީންގެ މައްޗަށް އުފުލައިފައިވާ މަނީ ލޯންޑަރިންގެ ދައުވާއާއި ރިޝްވަތު ގަބޫލު ކުރުމުގެ ދައުވާގެ އަޑުއެހުމެއް ކްރިމިނަލް ކޯޓުގައި މާދަމާއަށް ތާވަލު ކޮށްފިއެވެ.

ކްރިމިނަލް ކޯޓުން ރައީސް ޔާމީންގެ ޝަރީއަތް ތާވަލް ކޮށްފައި ވަނީ މާދަމާ ހެނދުނު 9:00 އަށެވެ.

ރައީސް ޔާމީން މިހާރު ވެސް ދަނީ ފަސް އަހަރުގެ ހުކުމެއް ތަންފީޒް ކުރައްވަމުންނެވެ. އެއީ އެމަނިކުފާނުގެ މައްޗަށް އެމްއެމްޕީއާރްސީ މެދުވެރިކޮށް، ގއ. ވޮޑަމުލާ ދޫކޮށްގެން ދައުލަތަށް ލިބެން ޖެހޭ އެއް މިލިއަން ޑޮލަރު ލޯންޑާ ކުރި ކަމަށް ބުނާ މައްސަލައެކެވެ. ރިޝްވަތުގެ ގޮތުގައި 1،117،000 އެމެރިކާ ޑޮލަރު ޔާމީން ނަންގަވައިފައިވާ ކަމަށް ތުހުމަތު ކޮށްފައިވެއެވެ.