ރައީސް ނަޝީދަށް މަރުގެ އިންޒާރު ދިނުން ހުއްޓުވަން ޖެހޭ: ޝަހީމް
އެމްޑީޕީގެ ރައީސް، މުހައްމަދު ނަޝީދަށް މަރުގެ އިންޒާރު ދިނުން ހުއްޓުވެން ޖެހޭ ކަމަށް ކުރީގެ އިސްލާމިކް މިނިސްޓަރ ޑރ.މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
ޝަހީމް މިފަދައިން ވިދާޅުވެފައި ވަނީ ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް "ބަދުރުގެ ދުވަހު އަބޫ ޖަހުލަށް ހެދި ގޮތް" ހަދާނެ ކަމަށް ބުނެ މީހަކު އިންޒާރު ދިނުމާ ގުޅިގެންނެވެ.
ޝަހީމް ކުރެއްވި ޓްވީޓެއްގައި ވިދާޅުވީ ރާއްޖޭގެ ފަސްގަނޑަކީ އެއްވެސް ހަމައެއް ލަމައެއްނެތި މީހުންގެ ފުރާނަ ނަގައިލެވޭނެ ތަނަކަށް ވެގެން ނުވާނެކަމަށެވެ. ފުރާނައާއި، ލެޔާއި، މުދަލަކީ އިސްލާމްދީނުގައި ހުރުމަތް ވެގެންވާ އެއްޗިއްސަށްވާއިރު، އެއްވެސް މީހަކު މަރަން ގޮވައި އެކަން ކުރާ މީހުންނަށް އެ ޖާގަ ރާއްޖޭގައި ދެވިގެން ނުވާނެކަމަށް ޑރ.ޝަހީމް ވިދާޅުވިއެވެ.
ރައީސް ނަޝީދުގެ ހަށިކޮޅަށް ގެއްލުން ދޭނެ ކަމަށް ސޯޝަލް މީޑިއާގައި ބުނި ދިވެހި ފިރިހެން މީހާ ކޯޓު އަމުރެއްގެ ދަށުން ހައްޔަރު ކޮށްފައިވާ ކަމަށް ފުލުހުން ވަނީ މިއަދު ވިދާޅުވެފައެވެ. އެއީ 40 އަހަރުގެ މީހެއްކަމަށް މައުލޫމާތު ލިބެއެވެ.
މައުލޫމާތު ލިބިފައިވާ ގޮތުގައި ރައީސް ނަޝީދު ރާއްޖެ ވަޑައިގެންފިނަމަ "ބަދުރުގެ ދުވަހު އަބޫ ޖަހުލަށް ހެދި ގޮތް" ހަދާނެ ކަމަށާއި ދެން ފަހަރަކުން އެއަށްވުރެ ހިތި ވާނެ ކަމަށް ބުނި މީހާ ހައްޔަރުކޮށްފައި ވަނީ ރ. މީދޫންނެވެ.
ވަކި އަންނިއަކަށްނޫން އެއްވެސްމީހަކު މަރަންގޮވައި އިންޒާރު ދީގެން ނުވާނެ ވަރަށް ވަރަށް ސާފް
އަމްނިއެކަނިނޫން އެއްވެސްމީހަކަށް މަރުގެ އިންޒާރުދީ މަރަން ގޮވައިގެން ނުވާނެ ވަރަށް ވަރަށްސާފް