މިއަދު ފެނިގެން މިދަނީ ސިޔާސީ ބާރުގެ މަސްތުގައި ޒަމާންވީ ރަހުމަތްތެރިކަން ވެއްޔާ މޮޑެލާ ތަން: މަލީހު
މިއަދު ފެނިގެން މިދަނީ ސިޔާސީ ބާރުގެ މަސްތުގައި ޒަމާންވީ ރަހުމަތްތެރިކަން ވެއްޔާ މޮޑެލާ ތަން ކަމަށް ކުރީގެ ވަޒީރު މުހައްމަދު މަލީހު ޖަމާލު ވިދާޅުވެއްޖެއެވެ.
މަލީހު މިފަދައިން ވިދާޅުވެފައި ވަނީ ދިވެހިރާއްޖޭގެ ވެރިކަމުގެ ނިޒާމު ބަރުލަމާނީ ނިޒާމަކަށް ބަދަލު ކުރެވޭނީ ރައްޔިތުންގެ ރެފަރެންޑަމަކަށް ގޮސްގެންކަމަށް ރައީސް ޞާލިހު ތަކުރާރުކޮށް ވިދާޅުވެފައިވާކަމަށް މަބްރޫކް ވިދާޅުވެފައިވާ ދަނޑިވަޅެއްގައެވެ.
މަލީހު ކުރެއްވި ޓުވީޓެއްގައި ވިދާޅުވީ މިއަދު ފެނިގެން މިދަނީ ސިޔާސީ ބާރުގެ މަސްތުގައި ޒަމާންވީ ރަހުމަތްތެރިކަން ވެއްޔާ މޮޑެލާ އާޢިލާ ދެކަފިކޮށްލާތަން ކަމަށެވެ.
“މަބުރޫކު ސާފުކޮށްދެއްވަން އެބަ ޖެހިވަޑައިގަންނަވާ ކޯލިޝަން މެނިފެސްޓޯގެ ކޮންތާކުކަން އޮތީ އިސްލީޑަރު އެމްޑީޕީ ޖަހައިގަނެ ކޮންޓްރޯލްގެ ދަށަށް ގެނައުމުގެ ވަޢުދު؟” މަލީހު ވިދާޅުވިއެވެ.
ރައީސް އޮފީހުގައި އިއްޔެ ކުރިއަށްދިޔަ ނޫސްވެރިންގެ ބައްދަލުވުމެއްގައި މަބްރޫކް ވިދާޅުވީ، ބަރުލަމާނީ ނިޒާމުގެ ވާހައަކީ ކޯލިޝަން މެނިފެސްޓޯގައި އޮތް ވާހަކައެއް ނޫން ކަމަށެވެ. އަދި ނިޒާމު ބަދަލުކުރާނެ އެކަން ކުރެވޭނީ ރައްޔިތުންގެ ރެފަރެންޑަމަކަށް ގޮސްގެންކަމަށް ރައީސް ޞާލިހު ތަކުރާރުކޮށް ވިދާޅުވެފައިވާކަމަށް މަބްރޫކް ވިދާޅުވިއެވެ.
ކޮމެންޓް