މާލެއިން ފައްސިވީ 42 މީހުންނާ އެކު މިއަދު ފައްސިވީ 151 މީހުން

ރާއްޖެއިން މިއަދު އިތުރު 151 މީހުން ކޮވިޑް-19އަށް ފައްސި ވެއްޖެއެވެ.

Ads by Hajj Corporation

ހެލްތު ޕްރޮޓެކްޝަން އޭޖެންސީ (އެޗްޕީއޭ)ގެ ތަފާސް ހިސާބުތަކުން ދައްކާ ގޮތުގައި މިއަދު މާލެއިން ފައްސިވީ 42 މީހުންނެވެ. އަދި އަތޮޅުތެރެއިން މި ބައްޔަށް 98 މީހުން ފައްސިވެފައިވެއެވެ.

ހިންގަމުން އަންނަ ރިސޯޓުތަކުން މިއަދު 4 މީހުން ފައްސި ވެފައިވެއެވެ. އަދި ކަނޑުއުޅަނދު ފަހަރުން 7 މީހަކު ވެސް މިއަދު މި ބައްޔަށް ފައްސި ވެފައިވެއެވެ.

މިހާރު ރާއްޖެއިން ކޮވިޑް-19އަށް މުޅިއަކު ފައްސިވެފައި ވަނީ 80،218 މީހުންނެވެ.

ބަލިން ފަސޭހަވެފައި ވަނީ 78،294 މީހުންނެވެ. ރާއްޖެއިން ކޮވިޑް-19 އަށް ހޮސްޕިޓަލުތަކުގައި މިވަގުތު ފަރުވާ ދެމުންދަނީ 15 މީހުންނަށެވެ. އަދި މި ބަލީގައި ރާއްޖެއިން މިހާތަނަށް 225 މީހުން ނިޔާވެފައި ވެއެވެ.