ތަކަންދޫ އަދި ނެއްލައިދޫ މޮނިޓަރިންއިން ނަގައިފި، މޮނިޓަރިންގައި މިހާރު އޮތީ 15 ރަށެއް
ކޮވިޑް-19ގެ ވޭދަނައެއް ފެނި މޮނިޓަރިންއަށް ލައިފައިވާ ހއ. ތަކަންދޫއާއި ހދ. ނެއްލައިދޫ ،މޮނިޓަރިންގެ ހާލަތުން ނެގުމާ އެކު މިިވަގުތު މޮނިޓަރިންގައި އޮތް ރަށްރަށުގެ ޖުމްލަ އަދަދު 15އަށް ދަށް ވެއްޖެއެެވެ.
މިވަގުތު މޮނިޓަރިން ހާލަތުގައި އޮތް ރަށްރަށުގެ ތެރޭގައި ރ.ދުވާފަރު، ކ. ކާށިދޫ، ށ. ފީވަށް، ދ. ކުޑަހުވަދޫ، އއ. ހިމަންދޫ، އދ. ހަންޏާމީދޫ، ހއ. އިހަވަންދޫ، ގއ. ކަނޑުހުޅުދޫ، މ. މަޑުއްވަރީ، ކ. ގާފަރު، ޏ. ފުވައްމުލަށް، ތ. ވޭމަންޑޫ، ގދ. އަތޮޅުގެ ގައްދޫ އަދި މަޑަވެލީގެ އިތުރުން ލ. މުންޑޫ ހިމެނެއެވެ.
މި ރަށްރަށުގެ ތެރެއިން މޮނިޓަރިންގައި އޮންނަތާ އެންމެ ގިނަ ދުވަސްވީ ރަށަކީ ރ. ދުވާފަރެވެ. އެ ރަށް މޮނިޓަރިންއަށް ލެވިފައި ވަނީ މެއި މަހުގެ 25 ވަނަ ދުވަހުއެވެ. ދެވަނަޔަށް އެންމެ ގިނަ ދުވަސް ވެފައި ވަނީ ކ. ކާށިދޫއެވެ. އެ ރަށް މޮނިޓްރިން އަށް ލައިފައި ވަނީ ޖުލައި މަހުގެ 13 ވަނަ ދުވަހުއެވެ.
ކޮވިޑް-19އިން ރައްކާތެރިވުމަށް ރާއްޖޭއިން ދަނީ ގިނަ ފިޔަވަޅުތަކެއް އަޅަމުންނެވެ. މިގޮތުން ރާއްޖެއަކީ ފުލީ ވެކްސިނޭޓެޑް ގައުމަކަށް ހެދުމަށް ޓަކައި ސަރުކާރުން ވަނީ ވެކްސިން ޖެހުމުގެ ބޮޑު ކެމްޕޭނެއް ވެސް ފަށައިފައެވެ.
Ads by STO
