ރައްޔިތުންނަށް މިނިވަންކަމާއެކު ވޯޓްލުމަށް މަގުފަހި ކޮށްދިނީ ގާސިމް: ރިޔާޒް
މިއަދު ދިވެހި ރާއްޖޭގައި މިއޮތް ރިޔާސީ ނިޒާމް، ދިވެހި ރާއްޖެއަށް ގެނެސްދީ ވޯޓްލުމުގެ މިނިވަންކަން ހޯދައިދެއްވީ ޖުމްހޫރީ ޕާޓީގެ ލީޑަރ ގާސިމްކަމަށް އެ ޕާޓީގެ ލީގަލް އެޑްވައިޒަރު އަދި ރައްޔިތުންގެ މަޖިލީހުގެ ވިލުފުށީ ދާއިރާގެ ކުރީގެ މެމްބަރު ރިޔާޒް ރަޝީދު ވިދާޅުވެއްޖެއެވެ.
ރޭ ޖުމްހޫރީ ޕާޓީން ބޭއްވި ޖަލްސާއެއްގައި ވާހަކަ ދައްކަވަމުން ރިޔާޒް ވިދާޅުވީ ހާއްސަ މަޖިލީހުގެ ރައީސް ކަމުގައި ގާސިމް ނެތް ނަމަ މިނިވަންކަމާ އެކު ވޯޓުލުމުގެ ހައްގު ރައްޔިތުންނަށް ނުލިބުނީސް ކަމަށެވެ.
“މިއަދު ރާއްޖޭގައި މިއޮތް ރިޔާސީ ނިޒާމް ދިވެހި ރާއްޖެއަށް ގެނެސް ރައްޔިތުންނަށް މިނިވަންކަމާ އެކު ވޯޓްލެވޭނެ މަގުފަހި ކޮށްދެއްވީ އަޅުގަނޑުމެންގެ ލީޑަރ އޮނަރަބަލް ގާސިމް އިބްރާހިމް. އެމަނިކުފާނު ހާއްސަ މަޖިލީހުގެ ރައީސްކަމުގައި ނެތް ނަމަ އެކަމެއް ނުވީސް” ރިޔާޒް ވިދާޅުވިއެވެ.
އިތުރަށް ވާހަކަ ދައްކަވަމުން ރިޔާޒް ވިދާޅުވީ ޖުމްހޫރީ ޕާޓީގެ ވެރިކަމެއް 2023ގައި އަންނާނެ ކަމަށާއި އެކަމަށް އޭނާ މަސައްކަތް ކުރައްވާނެ ކަމަށެވެ. އަދި ހަމައެހެންމެ ޖުމްހޫރީ ޕާޓީއާއި އަލަށް ގުޅޭ ފަރާތްތަކަކުން އެޕާޓީއާ ގުޅެނީ އަމިއްލައަށް ބޭނުންވެގެން ކަމަށާއި އެކަމަށް އެޕާޓީގެ ލީޑަރ އެއްވެސް މަސައްކަތެއް ނުކުރައްވާ ކަމަށެވެ. އަދި ގާސިމް އެކަމަށް ނުކުމެ ވަޑައިގަންނަވައިފި ނަމަ މިހާރަށްވުރެ އެތައް ގުނައެއް އިތުރު މެމްބަރުން 24 ގަޑިއިރު ތެރޭ އެޕާޓީއަށް ވެއްދޭނެކަމަށް ވިދާޅުވިއެވެ.
މީގެ އިތުރުން ވެސް ޖުމްހޫރީ ޕާޓީގެ އަމާޒަކީ 2023 ވަނަ އަހަރު ރާއްޖޭގެ ވެރިކަމަށް އައުންކަމަށް ރޭގެ ޖަލްސާގައި އެ ޕާޓީގެ މެމްބަރުން ވަނީ ވިދާޅުވެފައެވެ.
އަވަހަށް ޤާސިމް އަތުން ލާރިގަޑެއް ކާލާ..
ތިޔަހައްދަވާއެއްވެސް ދޮގެއް ދެން އަހަރެމެން ޤަބޫލެއް ނުކުރާނަން