އާއިލާއާ އެކު ސަނީ ލިއޯނީ ވެސް ރާއްޖޭގައި ޗުއްޓީ ހޭދަ ކުރަނީ
ބޮލީވުޑްގައި މިހާރު އަރަމުން އަންނަ ތަރި ސަނީ ލިއޯނީ، އޭނާގެ އާއިލާއާ އެކު ރާއްޖެއަށް ޗުއްޓީ ހޭދަ ކޮށްލަން އަތުވެއްޖެއެވެ.
ފިރިމީހާ ޑެނިއެލް ވެބަރއާއި އެ ދެމީހުންގެ ތިން ދަރިން ކަމުގައިވާ ނިޝާ، އެސްތަރ އަދި ނޯއާއާ އެކު ސަނީ ރާއްޖެ އައިސްފައި ވަނީ އިއްޔެއެވެ.
އެނގިގައިވާ ގޮތުގައި ސަނީ އޭނަގެ އާއިލާއާއެކު ޗުއްޓީ ހޭދަ ކުރަމުން ދަނީ ސަން ސިޔާމް އޮޅުވެލި ބީޗް ރިސޯޓުގައެވެ.
ރާއްޖެ އައުމާއެކީ ސަނީ ލިއޯނީ ވަނީ އިންސްޓަގްރާމްގައި ބައެއް ފޮޓޯތައް އާންމުކޮށްފައެވެ. އެގޮތުން އެންމެ ގިނައިން އޭނާ ލައިފައި ހުރީ ބީޗުގައި ނަގައިފައި ހުރި ފޮޓޯތަކެވެ.
މީގެ އިތުރުން ސަނީއާއި އޭނަގެ ދަރިން ވެސް ބީޗުގައި އަގުހުރި ވަގުތުކޮޅެއް ހޭދަ ކުރާ މަންޒަރު ދައްކުވައިދޭ ފޮޓޯތަކެއް ސަނީ ވަނީ އޭނަގެ އިންސްޓަގްރާމް ސްޓޯރީއަށް ވަނީ ލައިފައެވެ.
މަސައްކަތުގެ ދާއިރާއަށް ބަލާއިރު ސަނީ މިވަގުތު ހަރަކާތްތެރި ވަނީ "ސްޕްލިޓްސްވިލާ" ނަމަކަށް ކިޔައި ރިއަލިޓީ ޝޯއެއް ހޯސްޓު ކުރުމަށެވެ.
ބޮލީވުޑަށް ސަނީ ތަޢާރަފްވެފައި ވަނީ ބިގް ބޮސް ސީޒަން 5އިންނެވެ. އޭގެ ފަހުން އޭނާ ވަނީ "ޖިސްމް 2"، "ހޭޓް ސްޓޯރީ 2"، "ރާގިނި އެމްއެމްއެސް 2" އަދި "އޭކް ޕަހޭލީ ލީލާ" ގައި އެކްޓު ކޮށްފައެވެ.
Ads by STO
