އެމްޑީޕީ އޮފީސް ތެރޭގައި ހިނގި މާރާމާރީ އެއްގައި އަންހެނަކަށް އަނިޔާވެ އޭޑީކޭގައި ފަރުވާ ދެނީ

އެމްޑީޕީ އޮފީސް ތެރޭގައި މާރާމާރީ ހިނގައި، އަންހެނަކަށް އަނިޔާވެ އޭޑީކޭގައި ފަރުވާ ދެމުން އެބަދެއެވެ.

Ads by MWSC

ފުލުހުންގެ މީޑިއާ އޮފިޝަލަކު މިއަދު ވިދާޅުވީ ސޯސަން މަގުގައި ހުންނަ އެމްޑީޕީ އޮފީސް ތެރޭގައި މާރާމާރީއެއް ހިނގި ކަމުގެ މައުލޫމާތު މިއަދު މެންދުރު 12:30 ހާއިރު ފުލުހުންނަށް ލިބިފައިވާ ކަމަށެވެ.

މި މާރާމާރީއާ ގުޅިގެން އަންހެނަކަށް އަނިޔާވި ކަމަށާއި އޭނާއަށް މިހާރު އޭޑީކޭ ހޮސްޕިޓަލުގައި ފަރުވާ ދެމުންދާ ކަމަށް ވެސް ފުލުހުން ވިދާޅުވެފައިވެއެވެ.

މި މާރާމާރީގެ ސަބަބުން އަނިޔާވި އަންހެން މީހާގެ ބޯ ފަޅައިގެން ގޮސްފައިވާ ކަމަށް ވެސް މައުލޫމާތު ލިބިފައިވެއެވެ.

ފުލުހުން ވިދާޅުވީ އަނިޔާވެފައި ވަނީ އުމުރުން 50 އަހަރުގެ މީހަކަށް ކަމަށެވެ.

މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.