މަގުމަތިން ބިރު ދައްކައިގެން 1.4 މިލިއަން ރުފިޔާ ފޭރިގެންފި
މަގުމަތިން ދެމީހަކަށް ބިރު ދައްކައިގެން އެމީހުން އަތުން 1.4 މިލިއަން ރުފިޔާ ފޭރިގެންފިއެވެ.
އޮންލައިން ނޫސް “މިހާރު”އިން ރިޕޯޓްކޮށްފައިވާ ގޮތުގައި މި ހާދިސާ ހިނގައިފައި ވަނީ ރޭގެ ވަގުތެއްގައެވެ. 1.4 މިލިއަން ރުފިޔާ ފޭރިގެންފައި ވަނީ މާލޭގެ މަނީ އެކްސްޗޭންޖު ކުރާ ތަނެއްގައި މަސައްކަތްކުރާ ބިދޭސީ ދެ މީހެއްގެ އަތުންނެވެ.
އެ ރޭ 10:10 ހާއިރު އެ ފައިސާތައް ދަބަހަށް އަޅައިގެން އެމީހުން ދިޔައީ ވިޔަފާރި ނިންމުމަށް ފަހު، އޯނަރުގެ ގެއަށް އެ ފައިސާތައް ގެންދިޔުމަށް ކަމަށާއި އެ ދަބަހުގައި 900،000ރ. އަދި 25،200އަށް ވުރެ ގިނަ ޑޮލަރު ހުންނާނެ ކަމަށް “މިހާރު” ނޫހުން ރިޕޯޓްކޮށްފައިވެއެވެ.
އެމީހުންގެ އަތުން އެ ދަބަސް ފޭރިގެންފައި ވަނީ ވަޅިން ބިރުދައްކައިގެންނެވެ. މި ހާދިސާ ހިނގައިފައި ވަނީ ހެންވޭރު ދަނޑު، ޝަވަރުމާ ކައިރީގައެވެ.
ފުލުހުން ދަނީ މި މައްސަލަ އިތުރަށް ތަހުގީގުކުރަމުންނެވެ.
އެެހާގިނަ ފައިސާާތަކެއް ހިފައިގެންދާާއިރުޕޮލިހުންގެ އެހީތެރިކަންހޯދާއިގެން ދިޔަ ނަމަ