ޖުމްހޫރީ ޕާޓީ ފިޔަވައި ކޯލިޝަންގެ ދެން ހުރި ޕާޓީތަކުން ނިޒާމީ ވޯޓެއް ނެގުމަށް އެއްބަސްވި: ރައީސް ނަޝީދު
ޖުމްހޫރީ ޕާޓީ ފިޔަވައި ކޯލިޝަންގެ ދެން ހުރި ޕާޓީތަކުން ބަރުލަމާނީ ނިޒާމަކަށް ފެންނަ ނުފެންނަ ވޯޓެއް ނެގުމަށް އެއްބަސްވި ކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވެފައި ވަނީ މިހާރު ކުރިޔަށްދާ ނޫސްވެރިންގެ ބައްދަލުވުމެއްގައެވެ. ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން ރައީސް ނަޝީދު ވިދާޅުވީ، ރައީސް ޞާލިޙް ކެނޑިޑޭޓެއްގެ ގޮތުގައި ނުކުންނެވީ އެމްޑީޕީގެ މެނިފެސްޓޯއާ އެކު ކަމުގައެވެ. އަދި އެމްޑީޕީގެ މެނިފެސްޓޯއަކީ ބަރުލަމާނީ ނިޒާމު ކަމަށާއި ކޯލިޝަން ހެދުނު ހިސާބުން ވެސް ބަރުލަމާނީ ނިޒާމުގެ ވާހަކަ ދެކެވުނު ކަމަށެވެ. އަދި ކޯލިޝަންގައި ހިމެނޭ އަދާލަތު ޕާޓީ އަދި ރައީސް މައުމޫން ނިޒާމީ ފެންނަ ނުފެންނަ ވޯޓެއް ނަގަން އެއްބަސްވި ކަމަށް ވިދާޅުވިއެވެ.
"އެހެން ނަމަވެސް އެހެން ޕާޓީތަކުގެ މަޝްވަރާއާ އެކު، އަދި އެހެން ޕާޓީތަކުގެ ތާއީދާ އެކު އަޅުގަނޑުމެންގެ ކެނޑިޑޭޓް ވާދަ ކުރުމަށްޓަކައި ޕާޓީތަކުން އެދުނު ގޮތްތައް އަޅުގަނޑުމެން މެނިފެސްޓޯއާ އެއްބަސްވީ. ޕާޓީތަކުގެ ތެރެއިން ޖުމްހޫރީ ޕާޓީ ފިޔަވައި އަދާލަތު ޕާޓީއާ ރައީސް މައުމޫންގެ އެމްއާރްއެމްއިން ވަނީ ފެންނަ ނުފެންނަ ވޯޓެއް ނެގުމަށް އެއިރު ވަނީ އެއްބަސްވެ ވަޑައިގެންފައި" ރައީސް ނަޝީދު ވިދާޅުވެއްޖެއެވެ.
ނަޝީދުގެ ވާހަކަފުޅުގައި އިތުރަށް ވިދާޅުވީ، ބަރުލަމާނީ ނިޒާމެއް ގެނައުމަށް ފެންނަ ނުފެންނަ ވޯޓެއް ގެނައުމަށް އެ ޕާޓީތަކުން އިންކާރު ކުރުމެއް އޮވެގެން ނުވާނެ ކަމަަށާއި ހަމަ ޔަގީނުން ވެސް ރައީސް ޞާލިޙް ހިމެނިވަޑައިގަންނަވާހެން އެމްޑީޕީގެ އެއްވެސް އިންކާރު ކުރުމެއް އެކަމަށް ނެތް ކަމަށެވެ.
ރައީސް ނަޝީދަށް ދިން ހަމަލާއަށް ފަހު ނޫސްވެރިންނާ ބައްދަލުކޮށް ވާހަކަ ދައްކަވަމުން ރައީސް ނަޝީދު ވިދާޅުވީ، އެމްޑީޕީގެ އަބަދުވެސް ސިޔާސަތަކީ ބަރުލަމާނީ ނިޒާމު ކަމަށާއި އަދި އެ ޕާޓީއިން ބަރުލަމާނީ ނިޒާމަަށް ކުރާ ތާއީދު ހުރިހާ އެންމެނަށް ވެސް ސާފުވާނެ ކަމަށެވެ.
ރައީސް ނަޝީދުގެ ވާހަކަފުޅު މިހެންހުރިއިރު، ނިޒާމީ ވޯޓެއް ނެގުމަށް ނެގުމަށް ރައީސަށް ޕްރެޝަރުކޮށް، ރައީސް ނަޝީދަށް ތާއީދު ކުރާ ބަޔަކު އަންނަނީ ޕެޓިޝަނެއްގައި ސޮއިކުރަމުންނެވެ. މިހާތަނަށް މި ޕެޓިޝަންގައި 50،000 އަށްވުރެ ގިނަ މީހުން ސޮއިކޮށްފައިވާ ކަމަށް އެކަމުގައި އިސްކޮށް ހަރަކާތްތެރިވާ ފަރާތްތަކުން ހާމަކުރެއެވެ.
ނިޒާމު ބަދަލު ކުރުމުގެ ވޯޓެއްގެ ވާހަކައިގެ އަޑު ގަދަވެފައިވާއިރު، މީގެ ކުރިން 2007 ވަނަ އަހަރު ވެސް ވަނީ ރާއްޖޭގައި ނިޒާމީ ވޯޓެއް ނަގައިފައެވެ. އެ ފަހަރު ރިޔާސީ ނިޒާމު ބޭއްވުމަށް ފެންނަ ކަމަށް 95،619 މީހުން ވޯޓު ދީފައިވާއިރު، ބަރުލަމާނީ ނިޒާމަށް ދީފައި ވަނީ 58،504 ވޯޓެވެ. ބާތިލު ވޯޓްގެ އަދަދަކީ 1،767 އެވެ. ވޯޓު ލުމުގެ ހައްގު ލިބިފައިވާ 199،841 މީހުންގެ ތެރެއިން 155،890 މީހުން ވޯޓުގައި ބައިވެރިވެފައި ވެއެވެ.
މިނަޝީދަކީ ވެރިކަމާ ހެދި މޮޔަވެފައި ހުރި ބޭކަލެއް. ވެރިކަމަށް ޓަކައި ދީނެއް، މިއްލަތެއް، އިބުރާހީމެއް ނެތް. އަނބިދަރީން ރަހުނު ކޮށްވައިވެސް ބޭނުންމީ ވެރިކަން. ބަލަގަ މޮޔައާ. ޕެޓީޝަން ހެދިއަސް، އެހެން ކަމެއް ކުރިއަސް، ބަރުލަމާނީ އެއް ނުވަތަ އަންނިލަމާނީ ކީކަމުގައި ވިއަސް އާޚިރުގައި އެންމެ ފަހު ބަސް ބުނާނީ ރައްޔިތުން. މިބޭބެ ހިތުން ޕާރޓީގެ ރައީސް ކަމާއި، މަޖިލިސް މެމްބަރުކަން ހޯދުމާއި އިންތިޚާބަށް ފައިސާ ހޯދުމަށް އިންޑިއާގެ ކިބައިން ސަލާން ޖަހައިގެން ފައިސާ ހޯދަނީ. މީދެން މާމޮޅު ސިޔާސީ މުދައްބިރަކޯލަ! ބޮޑު ދޮގުވެރިއެއް. ކައްޒާބެއް.
ނެރުނީ ރުހުމަކު ނޫން ތިކަލޭގެ ހުރީ އަމިއްލަ އަށް ޔޫކޭ އަށް އަރުވާލެވިހެން. މާލެ އަތު ވެއްޖެނަމަ ޖަލަށް ވަންނަން ޖެހޭނެތީ.
ޢިބޫ ނޫން މީހަކަށް އޭރު އިތުބާޜެއްނެތް. އިބޫ ނެރުން ނޫން އެހެން ގޮތެއް ނެތުނީ.
މީނައަށް ކިޔަންވީ ބަރުލަމާނީ ނަޝީދު.ދޮގެެް ހެދެން އޮތިއްޔާ ތެދެއް ނުހަދާނެ .
މަބޭނުމީބޮޑުވަޒީރުކަން އޫއޫއޫއޫ ބޮޑުވިޒިރުކަން ދީ އާ އާއާ ބޮޑުވަޒީރުކަނުލިބުނއްޔާ ނުދާނަން ބިންމައްޗަވެއްޓިފޮރޮޅޭނަން އާ އާއާބޮޑުވަޒީރުކަނުދެނީ ނުވެސްކާނަން އޫ އޭ ެއޭ