މުސާރަ ބޮޑުކުރާނެކަމުގެ ޔަގީންކަމާ އެކު ޕައިލެޓުން އިހުތިޖާޖު ހުއްޓައިލައިފި
ޤައުމީ އެއާލައިން މޯލްޑިވިއަންގެ ޕައިލެޓުންގެ މުސާރައާއި އިނާޔަތްތައް އަންނަ ޖަނަވަރީ މަހު ، ކުރިން ހުރި މިންވަރަށް އިއާދަކުރާނެކަމުގެ ޔަޤީންކަން ކުންފުނިން ދީފައިވާކަމަށް ޕައިލެޓުން ބުނެފިއެވެ.
މޯލްޑިވިއަނުން ޕައިލެޓުންގެ މުސާރަ އިއާދަނުކުރުމުގެ މައްސަލަ ބޮޑުވެ އިހުތިޖާޖަށް ޑޭޝް ފުލައިޓު ދުއްވާ ޕައިލެޓުން ނުކުމެފައިވާއިރު އެ ކުންފުނީގެ ސީ ޕްލޭން ގިނަ ޕައިލެޓުންތަކެއް ވަނީ އެ ކުންފުނި ދޫކޮށް އެހެން ކުންފުނިތަކަށް ބަދަލުވެފައެވެ.
މައުލޫމާތު ލިބިފައިވާ ގޮތުގައި މި ވަގުތު ޕައިލެޓުން ގެންދަނީ ރައީސް އޮފީހުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާ ބައްދަލުކުރައްވަމުންނެވެ.
މޯލްޑިވިއަންގެ ޕަބްލިކް ރިލޭޝަންސް އެންޑް ކޮމިއުނިކޭޝަންސް މެނޭޖަރު މޫސާ ވަސީމް މީގެ ކުރިން ވިދާޅުވީ އެ ކުންފުނިން ބައެއް ޕައިލެޓުން އިސްތިއުފާދެއްވި ނަމަވެސް މޯލްޑިވިއަންގެ މަސައްކަތެއް ބުރޫއެއް ނާރައި، ކުރިންވެސް ޚިދުމަތްދިން ގޮތަށް ޚިދުމަތް ދެވޭނެ ކަމަށެވެ.
Ads by STO
