މައިކް ޓެސްޓު ކުރަން ވިޔަސް، ރަސޫލާ (ޞޢވ)އަށް ފުރައްސާރަ ކުރުމަކީ ކޮށްގެން ވާނެ ކަމެއް ނޫން: ޑރ. އިޔާޒް
މައިކް ޓެސްޓު ކުރަން ވިޔަސް، އަދި މަޖަލަކަށް ވެސް، މާތް ނަބިއްޔާ (ޞޢވ)އަށް ފުރައްސާރަ ކުރުމަކީ ކޮށްގެން ވާނެ ކަމެއް ނޫން ކަމުގައި ދީނީ ޢިލްމުވެރިޔާ ޑރ. މުޙައްމަދު އިޔާޒް ޢަބްދުއްލަތީފު ވިދާޅުވެއްޖެއެވެ.
ޑރ. އިޔާޒް މިހެން ވިދާޅުވެފައި ވަނީ، ށ. ފޯކައިދޫގައި ސުކޫލުގައި ދަރިވަރުންނާއި ބެލެނިވެރިންގެ ހާޒިރުގައި ރަސޫލާ (ޞޢވ)އަށް ފުރައްސާރަވާ ފަދަ ގޮތަކަށް މަދަހައެއްކީ މައްސަލައެއް ފެންމަތިވުމުންނެވެ.
މީސްމީޑިއާގައި އާންމުވެފައިވާ ވީޑިޔޯގައި ފެންނަނީ ރަސޫލާއަށް ނިސްބަތްކޮށް ކިޔައިފައިވާ މަދަހައެއްގެ އެއް ކަޑި ކިޔުމަށް ފަހު ދެވަނަ ކަޑިއަށް މުޅިން އެހެން ވާހަކައެއް ހަމަ އެރާގުގައި ކިޔާ މަންޒަރެވެ. އެއާ އެކު ހޯލުގައި ތިބި ދަރިވަރުން ހޭން ފަށާ އަޑު އިވެއެވެ.
މި މައްސަލައާ ބެހޭ ގޮތުން "ދެން"އަށް މައުލޫމާތު ދެއްވަމުން ފޯކައިދޫ ސުކޫލުގެ ޕްރިންސިޕަލް މުހައްމަދު މަތީން ވިދާޅުވީ އެކަމަކީ ސައުންޑް ޓެސްޓް ކުރުމުގެ ތެރޭގައި ހިނގައިދިޔަ ކަމެއް ކަމަށާއި އެއީ އެއްވެސް ހާލެއްގައި ގޯސް ނިޔަތެއްގައި ކޮށްފައިވާ ކަމެއް ނޫން ކަމަށެވެ.
މިކަމާ ގުޅޭގޮތުން ޑރ. އިޔާޒް މިއަދު ކުރެއްވި ޓްވީޓެއްގައި ވިދާޅުވީ ރަސޫލާ (ޞޢވ)އަށް ފުރައްސާރަ ކުރުމަކީ ބޮޑު ވެގެންވާ ޙަރާމް ކަމެއް ކަމަށެވެ. އަދި އެކަން ކުރި ފަރާތަކާ މެދު ފިޔަވަޅު އަޅަން ޖެހޭނެ ކަމަށް ވެސް، އެޑިއުކޭޝަން މިނިސްޓަރ ޑރ. އައިޝަތު ޢަލީ ޓެގް ކުރައްވައި ޑރ. އިޔާޒް ވިދާޅުވެފައިވެއެވެ.
ނިޔަތް ގޯސް ނުވިޔަސް ކޮށްފައި ތިޔައޮތީ ގޯސް ކަމެއްނު. ރާބޮއިފަ ވެސް ބުނަންވީ އަހަރެން އެބުއީ މަސްތުވާކަށް ނޫނޭ މަޖަލަ ކަށް ބޯލީއޭ. މަތީން އެކަމާ އެކުދިންނަށް ނަސޭހަޔް ދިނުމުގެ ބަދަލުގަ އެކަމަށް ތިޔަ ހިތްވަރު ދެއްވީ. ޙެޔޮ ވިސްނުން ދެއްްވާށި ތިޔަ މަތީނަކަށް.
އެއީ އެސްކޫލްގައި ތިއްބެވި ޓީޗަރުންގެ މައްސަލައެއްނޫނޭ. އެއީ މަދަޙަފޮނުވި ސައުންޑުގެމައްސަލައޭ. މިސޮރަށް ހީވާގޮތުގައި ރާއްޖޭގެ ހުރިހާ ސްކޫލެއްގައިވެސް މިކަލަ މަޑުކަށި މަދަހައާއި ލަަަވައާއި ބަނދި ރައިވަރުވެސް ހުރުން އެކަށީގެންވެ. އެކަމުގެކޮޅުމަތި އެދައްކާލި. ކީއްކުރާނީ މިއަދު ރާއްެޖެއޮތްހާލަތު.
އަޖައިބެއްް ކޮންް ނިޔަތެއްް ރަނގަޅުވާނީ. ގޯސްް ކަމެއްް ކޮށްފަ
މިހާރަކަށް އައިސް ކޮންމެ އިސްލާމް ދީނާއި ކީރިތި ރަސޫލާއަށް ފުރައްސާރަކޮށް ހެދުން އާންމުވަމުން މިދަނީ ހިތާމަ ކުރަންޖެހޭ ދަރަޖައަށްްމަޖލަކަށްވެސް ކުރަން ޖެހޭ ކަންކަމާއި ކުރަން ނުޖެހޭ ކަންކަން ހުންނާނެ.
ލާދީނީ ފިކުރަށް ވެރިކަން ހޯދާދޭން މަސައްކަތް ކުރުމާ އެ ލާދީނީ ވެރިކަން ދަމަހައްޓަން މަސައްކަތް ކުރުން އޯކޭދޯ. މުޑުދާރު…..!!!
ނުރަބޯ މީހަކާ ދޭތެރޭ އިންތިހާއަށް ރުޅިވެރިކަން އޮތް ހެން ހީވަނީ
މުޑުދާރީ ކާކުކަން އެނގޭނެ ދުވަސް އަންނާނެ! އެދުވަހުން ދެރަވާނެ!