އަމިއްލަ ޚަރަދުގައި ގަޑިބުރު ހަދައިދޭނެ ބަޔަކު ހޯދަނީ

މާފަންނު ގަޑި ބުރު ހަދައިދޭނެ ބަޔަކު ހޯދަން މާލޭ ސިޓީ ކައުންސިލުން ފަށައިފިއެވެ.

އެ ކައުންސިލުން ވިދާޅުވީ މި މަސައްކަތް ކޮށްދިނުމަށް އެދި ހުށައެޅޭނީ ކުންފުނި، ޕާޓްނާޝިޕް، ލޯކަލް އިންވެސްޓްމަންޓް، އަމިއްލަ ފަރުދުންގެ ވިޔަފާރި ކުރުމުގެ ހުއްދަ ލިބިފައިވާ ފަރާތްތަކަށް ކަމަށެވެ.

މިކަމާ ގުޅޭ އިތުރު މަޢުލޫމާތު ދިނުން 3 އޮކްޓޯބަރުގައި ޕްރޮކިއުމަންޓް ސެކްޝަން، މާލެ ސިޓީ ކައުންސިލްގެ އިދާރާ، އަދި އެމް.ޑަބްލިޔު.އެސްސީގެ ކަސްޓަމަރ ސަރވިސް ބިލްޑިންގ 4 ވަނަ ފަންގިފިލާގައި ކުރިޔަށްދާނެ ކަމަށް ސިޓީ ކައުންސިލުން ވިދާޅުވެއެވެ.

މިކަމާ ގުޅޭ އިތުރު މަޢުލޫމާތު ހިއްސާ ކުރަމުން ދާނެ ކަމަށް ސިޓީ ކައުންސިލުން ވިދާޅުވެއެވެ.