މާވަށު ގެއަކުން ކަރަންޓު ކަނޑައިލީ އުސޫލާ އެއްގޮތަށް: ފެނަކަ
ލ. މާވަށު "އާފަރު" ގޯތިން ކަރަންޓު ކަނޑައިލައިފައި ވަނީ ގަވައިދުތަކާއި އުސޫލުތަކާ އެކު ކަމަށް ފެނަކަ ކޯޕަރޭޝަނުން މިއަދު ބުނެފިއެވެ.
އެ ކޯޕަރޭޝަނުން މިއަދު ނެރުނު ނޫސްބަޔާނެއްގައި ބުނެފައި ވަނީ ފެނަކައިން ކަރަންޓުގެ ޚިދުމަތް ފޯރުކޮށްދިނުމަށް ކަނޑައަޅައިފައިވާ ޤަވާޢިދުތަކާއި އުޞޫލުތަކާ ޚިލާފުވެ، ހޯދާފައިވާ ކަރަންޓުގެ ޚިދުމަތްތަކަށް ދައްކަންޖެހޭ ފައިސާ ދެއްކުމަށް ތަކުރާރުކޮށް ދެވުނު ފުރުޞަތުތަކުގައި ވެސް ފައިސާ ނުދައްކައި، ދެވުނު އެންމެ ފަހު ފުރުޞަތު 03 އޮކްޓޯބަރ 2021 ގެ ނިޔަލަށް ހަމަވެފައިވާތީ، ޢާންމުކޮށް ޢަމަލު ކުރުމަށް ކަނޑައަޅައިފައިވާ އުޞޫލުގެ ތެރެއިން އަޙްމަދު މޫސާގެ ނަމުގައި ރަޖިސްޓްރީ ކުރެވިފައިވާ ލ.މާވަށު "އާފަރު" އޭ ކިޔައި ގޯތީގައި ހުރި ޢިމާރާތްތަކަށް ދެވިފައިވާ ކަރަންޓުގެ ޚިދުމަތް 04 އޮކްޓޯބަރ 2021 ވަނަ ދުވަހު ވަގުތީގޮތުން ކަނޑައިލެވިފައިވާ ކަމަށެވެ.
"އާފަރު" ގޯތީގެ ވެރިފަރާތުން ފެނަކައިން ހޯދާފައިވާ ހިދުމަތްތަކަށް ދައްކަން ޖެހޭ ފައިސާ ނުދެއްކުމުން ޝަރުޢީ ކޯޓެއް މެދުވެރިކޮށް، ވަގުތީ ޢަމުރެއްގެ ދަށުން ދާއިމީ ފަރުވާއެއް ލިބޭނެ ޤާނޫނީ ބަހަނާއެއް ހޯދުމުގެ ބޭނުމުގައި، ލ.މާވަށު މެޖިސްޓރޭޓް ކޯޓަށް ހުށަހެޅި މައްސަލަ، ދިވެހިރާއްޖޭގެ ސުޕްރީމްކޯޓުގެ ނަންބަރު: 2015/ށޝ-ށޛ/06 (25 ޖޫން 2015) "ރިޓް އޮފް ޕްރޮހިބިޝަން" އަށް ޙަވާލާ ދެއްވައި، 06 އޮކްޓޯބަރ 2021 ވަނަ ދުވަހު އެކޯޓުން ނިންމަވައި ޙުކުމް ކުރައްވާފައިވާތީ، ވަގުތީގޮތުން ޚިދުމަތް ކަނޑައިލި ކަނޑާލުމާ މެދު މިވަގުތަށް ޤާނޫނީ ބަޙުސެއް އުފެދިފައި ނުވާކަން ފާހަގަކުރާ ކަމަށް ވެސް ފެނަކައިގެ ބަޔާނުގައި ބުނެފައިވެއެވެ.
މި ގައުމުގައި ހުރި އެންމެ ކޮރަޕްޓް މީހާއަކީ ފެނަކަ ސައީދު. ކުންުފުނީގެ ގަވާއިދުތައް ބަދަލުކޮށްގެން ކުންފުނީގެ ހުރިހާ މަސައްކަތެއް ޅިޔަނު ލައްވައި ކުރުވަމުންދަނީ އިއުލާނު ނުކޮށް.
ނުދެއްކި ހުންނަ ބިލްތަކުން ޖޫރިމަނާ ނަގަންވެސް ބޮޑުވަރު މީހުންގެ ދިޔަފެލާލަނީ.އަޅެފަހެ ދައްކަން ފެށީމަވެސް މެދުނުކެނޑި ކޮންމެމަހަކު ދައްކާނަމަ އެހިސާބުން ޖޫރިމަނާ ނުކޮށްމަޑުޖައްސާނަމަވެސް އެންމެ ރަނގަޅުތާ.