ކޮރަޕްޝަންގެ ތުހުމަތު ދޮވެ ސާފު ކުރަނީ ސަސްޕެންޝަނުން: ޑރ. ޖަމީލް
މި ސަރުކާރުން ކޮރަޕްޝަންގެ ތުހުމަތު ދޮވެ ސާފު ކުރަނީ ސަސްޕެންޝަނުން ކަަމަށް ކުރީގެ ނައިބު ރައީސް ޑރ. މުޙައްމަދު ޖަމީލް އަޙްމަދު ވިދާޅުވެއްޖެއެވެ.
ޑރ. ޖަމީލް މިހެން ވިދާޅުވެފައި މިވަނީ އެމްއެމްޕީއާރްސީގެ ޚިޔާނާތުގައި ބައިވެރިވިކަމުގެ ތުހުމަތު އޭސީސީން ކުރުމުން، މަގާމުން ސަސްޕެންޑު ކުރި މިނިސްޓަރ އޮފް ޔޫތު ސްޕޯޓްސް އެންޑް ކޮމިއުނިޓީ އެމްޕަވަމެންޓް އަހުމަދު މަޙްލޫފްގެ ސަސްޕެންޝަން ރޭ އުވައިލުމާ ގުޅިގެންނެވެ.
މިކަމާ ގުޅިގެން ޑރ. ޖަމީލް މިއަދު ކުރެއްވި ޓްވީޓެއްގައި ވިދާޅުވީ މި ސަރުކާރުން ގެންގުޅުއްވަނީ "އަޖައިބެއްފަދަ ޕޮލިސީ"އެއް ކަމަށާއި ކޮރަޕްޝަންގެ ތުހުމަތު ދޮވެ ސާފު ކުރަނީ ސަސްޕެންޝަނުން ކަމަށެވެ.
"ކުށުން ދުރުކުރަން ކުށަށް ހިއްވަރު. ޤާނޫނު ނަގަހައްޓަން ޤާނޫނާ ޚިލާފް ވަނީ. މަޙްލޫފް ސަސްޕެންޑް ކުރީ ކޮންކަމެއް ޙާޞިލްކުރަން؟ ފަޔަށް ހިނިއަރައިގެން އުޅުނު އެމްޑީޕީ މެންބަރުންގެ ދޫ މިއަދު ކޮބާ؟" ޑރ. ޖަމީލު ސުވާލު ކުރައްވާފައިވެއެވެ.
މިނިސްޓަރ މަޙްލޫފްގެ ސަސްޕެންޝަން އުވައިލީ ހަތަރު މަސްވީއިރު ވެސް މައްސަލައިގައި ދައުވާ ކޮށްފައި ނުވާތީއެވެ.
ބައެއްމީހުނަށް ސަސްޕެންޑް ކޮށްފަ މުސާރަދޭ ބައެއް މީހުނަށް ސަސްޕެންޑް ކޮށްފަ މުސާރަ ނުދީ އަނެއްކާ ވަޒީފާއަށް ނެރޭ. މީކިހިނެއް ހިންގާ ސަރުކާރެއްތަ.