ހުޅުމާލެ ފޭސް2ގެ ފަޅުތެރެއަށް ލޯންޗެއް އަޑިއަށް ހިނގައްޖެ

ހުޅުމާލެ ފޭސް 2ގެ ފަޅުތެރެއަށް ލޯންޗެއް އަޑިއަށް  ހިނގައްޖެއެވެ.

އެމްއެންޑީއެފްއިން ބުނީ ހުޅުމާލެ ފޭސް 2 (ފަރުކޮޅުފުށި ފަޅުތެރެއިން) ލޯންޗެއް އަޑިއަށް ގޮސްގެން ކޯސްޓްގާޑު ސެކަންޑް ސްކޮޑްރަންއިން ހަރަކާތްތެރިވާން ފަށައިފައިވާ ކަމަށެވެ.

މިދުވަސްވަރު ރާއްޖޭގެ މޫސުމަށް އައިސްފައިވާ ބަދަލުތަކުގެ ސަބަބުން، ވައި ގަދަވެ، ރާއްޖޭގެ ކަނޑުތައް ވެސް ވަނީ ވަރަށް ގަދަވެފައެވެ.

އެހެންކަމުން ކަނޑުދަތުރު ކުރާ ފަރާތްތަކުން މޫސުމަށް ސަމާލުވުމަށާއި ކޮންމެހެން ކުރަން ޖެހޭ ދަތުރެއް މެނުވީ ނުކުރުމަށް އެމްއެންޑީއެފްއާއި މޫސުމާ ބެހޭ އިދާރާއިން ވެސް ވަނީ އިލްތިމާސް ކުރައްވައިފައެވެ.

ހުޅުމާލެ ފޭސް 2ގެ ފަޅުތެރެއަށް ލޯންޗެއް އަޑިއަށް ދިޔަ ހާދިސާގައި އަދި އެއްވެސް މީހަކަށް އަނިޔާވިކަމަށް ރިޕޯޓުކޮށްފައެއް ނުވެއެވެ.